ايداربەك قوجانازاروۆ تاتاميدە وجەتتىك تانىتىپ، كۇشى سارقىلعانشا بەلدەسكەن ءابيبا ءابۋجاقىنوۆا ريزا بولعانىن ايتتى. ول پاريج تورىندە ونەر كورسەتكەن قازاق قىزىنىڭ تاربيەسى مەن تەكتىلىگىنە تاڭدانعانىن دا جاسىرعان جوق.
- تۇنىمەن دوڭبەكشىپ ۇيىقتاي المادىم. وعان سەبەپ - ءابيبا قارىنداسىمنىڭ كوز جاسى. بۇل نامىستىڭ كوز جاسى. بۇل تەكتىلىكتىڭ بەلگىسى. بۇل ۇلكەن تاربيەنىڭ ۇلگىسى! قىسقاسى، ءابيبا قىزىمىزعا ءوز اتىمنان ارنايى سىياقى بەرەمىن. پاريجدە قازاقستاننىڭ ابىرويىن قورعايمىن دەپ بارىن سالدى. جاراقات السا دا قايتقان جوق. وسىنداي ەڭبەكتى باعالاۋ كەرەك. وسىنداي پاتريوتتىقتى ناسيحاتتاۋ كەرەك! قانەكي، جالعاستىرايىق، قازاقتىڭ جىگىتتەرى!، -دەدى ايداربەك قوجانازاروۆ.
ايتا كەتەيىك، كۇنى كەشە ايتىسكەر اقىن مۇحتار نيازوۆ اتىمتاي ازاماتتاردى ءابيبا ءابۋجاقىنوۆانى قولداۋعا شاقىرعان ەدى. ال ءابيبانىڭ ءوزى پاريج وليمپياداسىندا جۇلدە الا الماعانى ءۇشىن حالىقتان كەشىرىم سۇرادى.
پىكىر قالدىرۋ