ەركەن جاكاتاي "سق-فارماسيا" ج ش س باسقارما ءتوراعاسى قىزمەتىنە تاعايىندالدى. بۇل تۋرالى كومپانيانىڭ رەسمي سايتىندا حابارلاندى. بۇعان دەيىن "سق-فارماسيانى" 2020 جىلدان 2024 جىلعا دەيىن ەرحات ەسقالييەۆ باسقارعان ەدى.
ايتا كەتەيىك، ەركەن جاكاتاي 1994 جىلى "اۆتوماتيكا جانە باسقارۋ جۇيەسى" ماماندىعى بويىنشا قازاق ۇلتتىق تەحنيكالىق ۋنيۆەرسيتەتىن، 2001 جىلى "قارجى جانە نەسيە" ماماندىعى بويىنشا ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن.
مەملەكەتتىك (مەملەكەتتىك كىرىستەر مينيسترلىگى، قارجى مينيسترلىگى، يندۋستريا جانە جاڭا تەحنولوگيالار مينيسترلىگى)، كۆازيمەملەكەتتىك ("قازىنا" تۇراقتى دامۋ قورىنىڭ "دامۋ "قورى" اق، "ۇلتتىق مەديسينالىق حولدينگى" اق، رەسەي فەدەراسياسىنداعى قازاقستان رەسپۋبليكاسىنىڭ ساۋدا وكىلدىگىندە) جانە جەكە سەكتوردا 30 جىلدان استام باسشىلىق قىزمەتتە بولعان.
2021 جىلدان باستاپ قازىرگى ۋاقىتقا دەيىن جەكە سەكتوردا جۇمىس ىستەپ كەلگەن.
پىكىر قالدىرۋ