بۇگىن قارۋلى كۇشتەردىڭ بارلىق تۇرلەرىنىڭ، اسكەر تەكتەرىنىڭ، وڭىرلىك قولباسشىلىقتاردىڭ، قۇرامالاردىڭ، اسكەري بولىمدەر مەن مەكەمەلەردىڭ جەكە قۇرامى دابىل قاعۋ بويىنشا كوتەرىلدى، دەپ حابارلايدى رەسپۋبليكانىڭ قورعانىس مينيسترلىگى.
قارۋلى كۇشتەر جاۋىنگەرلىك دايىندىق ساباقتارىن وتكىزۋ شەڭبەرىندە دابىل بويىنشا كوتەرىلدى، دەپ ناقتىلادى ۆەدومستۆا وكىلدەرى.
قارۋلى كۇشتەردەگى وسى ءىس-شارالاردان ءداستۇرلى تۇردە جازعى وقۋ كەزەڭى باستالادى. ول 1 ماۋسىمدا باستالىپ، 31 قازاندا اياقتالادى.
"تۇراقتى ورنالاسۋ پۋنكتتەرىندە، پوليگونداردا، اۋەايلاقتاردا، باستاپقى پوزيسيالاردا جانە تەڭىزدە جۇكتەلگەن جاۋىنگەرلىك مىندەتتەردى ورىنداۋعا دايىندىق ماسەلەلەرى جانە ءاربىر اسكەري قىزمەتشىنىڭ ءىس-قيمىل ءتارتىبى ءىس جۇزىندە پىسىقتالۋدا. تەحنيكانىڭ شىعۋىمەن جانە بەلگىلەنگەن ورىنداردا باسقارۋ پۋنكتتەرىن ورنالاستىرۋمەن جاتتىعۋلار مەن ساباقتار وتكىزىلەدى"، - دەلىنگەن حابارلامادا.
اسكەرلەردىڭ ىقتيمال قاۋىپتەرگە دەن قويۋ قابىلەتى، بىرلەستىكتەر، قۇرامالار مەن اسكەري بولىمدەر اراسىنداعى ءتۇرارالىق ءوزارا ءىس-قيمىلدى ۇيىمداستىرۋ دەڭگەيى تەكسەرىلەدى.
بۇل ءىس-شارالار اسكەري باسقارۋ ورگاندارى جۇمىسىنىڭ ۇيلەسىمدىلىگىن ارتتىرۋعا، باسقا اسكەرلەرمەن جانە اسكەري قۇرالىمدارمەن ءوزارا ءىس-قيمىلدىڭ تيىمدىلىگىن ارتتىرۋعا، سونداي-اق جەكە قۇرامنىڭ پراكتيكالىق داعدىلارىن جەتىلدىرۋگە ىقپال ەتەدى.
بۇعان دەيىن قورعانىس مينيسترلىگىنە جاۋىنگەرلىك تەحنيكانى اۋىستىرۋ تۋرالى ەسكەرتىلگەن بولاتىن. 3-6 ماۋسىم ارالىعىندا ەلىمىزدە قارۋلى كۇشتەردىڭ جاۋىنگەرلىك دايىندىعى بويىنشا جاتتىعۋلار وتكىزىلەدى. ول ءۇشىن اسكەري تەحنيكا شەرۋمەن جانە تەمىرجول كولىگىمەن قازاقستاننىڭ ءتۇرلى وڭىرلەرىندەگى پوليگوندارعا اۋىستىرىلادى، دەپ اتاپ ءوتتى ۆەدومستۆودا.
پىكىر قالدىرۋ