قارجى پيراميداسىنا كريپتواكتيۆتەر ارقىلى زاڭسىز تارتىلعان 250 ملن تەڭگە شەتەلدەن قايتارىلدى. بۇل تۋرالى قارجىلىق مونيتورينگ اگەنتتىگى حابارلادى. 

"اگەنتتىك زاماناۋي IT-قۇرالداردى پايدالانا وتىرىپ، 2،5 اي ىشىندە قازاقستاندىقتاردىڭ قاراجاتىن كريپتوۆاليۋتاعا تارتقان "Eolus" جوعارى تەحنولوگيالىق قارجى پيراميداسىن جويدى. ەلىمىزدىڭ 12 وڭىرىندە (الماتى، استانا، شىمكەنت، پاۆلودار، وسكەمەن، اقتوبە، اتىراۋ، قىزىلوردا، ورال، كوكشەتاۋ، جەتىسۋ، تۇركىستان) 2،5 مىڭعا جۋىق سالىمشى تارتىلدى. ەلوردالىق ۇيىمداستىرۋشى مۇلكى تاركىلەنىپ، 6 جىلعا باس بوستاندىعىنان ايىرىلدى"، – دەلىنگەن حابارلامادا.  

ايتا كەتەيىك، پيراميدانى ۇيىمداستىرۋشىلار سالىمشىلاردىڭ تۇسكەن بارلىق قارجىسىن ترانزيتتىك كريپتو ءاميانداردى پايدالانۋ ارقىلى جاسىرىپ وتىرعان.