ءوسىپ كەلە جاتقان جاس ۇرپاققا ۇلتتىق قۇندىلىق پەن ءسالت-داستۇرىمىزدى دارىپتەۋ ماقساتىندا استانا قالاسى اكىمدىگىنىڭ قولداۋىمەن دىندەردى زەرتتەۋ ورتالىعى شىلدەنىڭ 16-17ء-شى جۇلدىزىندا بۋراباي ۇلتتىق پاركى “جەتى قازىنا” ەتنو-اۋىلىندا “كەمەل جىگىت - كۇيەۋ بالا” اتتى ۇلتتىق زياتكەرلىك كۋرسىن وتكىزدى.

ءىس-شارانىڭ باستى ماقساتى – ەلىمىزدىڭ بولاشاعى جاستاردىڭ رۋحاني، مادەني، عىلىمي دامۋىنا قولداۋ كورسەتۋ.

ءىس-شارا استانا قالاسىنان باستاۋ الىپ بۋراباي ۇلتتىق پاركىندە جالعاستى.

بالالارعا ۇلتتىق قۇندىلىقتار مەن تالىم-تاربيەنى تەرەڭنەن ناسيحاتتاۋ ماقساتىندا تاريح عىلىمدارىنىڭ دوكتورى، پروفەسسور ارتىقبايەۆ جامبىل ومار ۇلى، ارحەولوگيا جانە ەتنولوگيا ماگيستىرى شاكەن تۇرار ءساتتار قىزى، پەدوگوگ-ەكسپەرت، پسيحولوگ-كونسۋلتانت جانابەرگەنوۆا جۇلدىز حابيبۋللو قىزى، ۇلتتىق قۇندىلىقتاردى دارىپتەۋشى ءساعادىلدا ءۇسىبالدى بادەن ۇلى سىندى تۇلعالار ءدارىس وتكىزدى.

ءىس-شارا ەكى كۇنگە سوزىلدى. اتالمىش كۋرس بارىسىندا “قابانباي”، “قوبىلدى”، “الپامىس” اتتى ءۇش توپقا بولىنگەن 60-قا جۋىق بالا “قازاق تاريحى مەن داستۇرلەرى”، “ماقال ماتەلدەردەگى ۇلتتىق تاربيە”، “جىگىتتىڭ ءۇش جۇرتى” سىندى تەوريالىق جانە پراكتيكالىق ساباقتارعا قاتىستى.

ءىس-شارانىڭ كەزەكتى كۇنىندە جاسوسپىرىمدەرگە قولعا سۋ قۇيۋ، مال سويۋ، جىلىكتەۋ، تاباق تارتۋ، ساماۋرىن قايناتۋ، اتقا ءمىنۋ، ساداق اتاۋ سىندى پراكتيكالىق ءداستۇرلى داعدىلارعا ساي ساباقتار وتكىزىلدى.

سونداي-اق بالالارعا ارناپ قازاقى ءۇيدىڭ ىشىنە كينوتەاتر قۇرىلىپ، رۋحاني تاربيەلىك ماڭىزى بار فيلمدەر كورسەتىلدى.

كۋرسقا قاتىسقان بالالار مەن اتا-انالار ءوز ريزاشىلىعىن ءبىلدىرىپ، “كەمەل جىگىت – كۇيەۋ بالا” اتتى ۇلتتىق زياتكەرلىك كۋرسىنىڭ جالعاسىن تابۋىنا ءوتىنىش ءبىلدىردى.

اتالمىش شارا بارىسىندا ءاربىر بالا رۋحاني ازىققا كەنەلىپ، ۇلتقا، تۋعان جەرگە، مادەنيەتىمىز بەن ادەبيەتىمىزگە، تاعلىمىمىز بەن تاريحىمىزعا دەگەن قۇرمەتىن ارتتىرعانىنا سەنىمىمىز مول.

دىندەردى زەرتتەۋ ورتالىعى