قازاقستان ۇلتتىق وليمپيادا كوميتەتىنىڭ پرەزيدەنتى گەنناديي گولوۆكين نازىم قىزايبايدى قولا مەدالىمەن قۇتتىقتادى. بۇل تۋرالى ۇلتتىق وليمپيادا كوميتەتى حابارلادى.
"نازىمدى وليمپياداداعى قولا مەدالىمەن قۇتتىقتايمىن! نازىم كوپتەگەن جىلدار بويى ايەلدەر بوكسىنىڭ بەلدى وكىلدەرىنىڭ ءبىرى، كوماندانىڭ كوشباسشىسى بولىپ كەلدى. ول ءوزىنىڭ وليمپياداعا العاش قاتىسقانىنا قاراماستان، الەمدەگى مىقتى سپورتشىلاردىڭ ءبىرى ەكەنىن تاعى دا دالەلدەي الدى. ءسىزدىڭ جەتىستىگىڭىز كوپتەگەن جاس سپورتشىلارعا شابىت بەرەدى، ءوز ىسىنە شىنايى بەرىلىپ، ەڭبەك ەتۋ ءوز جەمىسىن بەرەتىنىن كورسەتتى. قازاقستان ۇلتتىق وليمپيادا كوميتەتى اتىنان نازىمدى، ونىڭ جاتتىقتىرۋشىسى دولكۋنجان كامەكوۆتى جانە كۇللى قازاقستاندىقتاردى وليمپيادا ويىندارىنىڭ مەدالىمەن قۇتتىقتايمىن"، – دەدى گولوۆكين.
ايتا كەتەيىك، نازىم قىزايباي پاريج وليمپياداسىنىڭ قولا جۇلدەگەنرى اتانعان بولاتىن.
پىكىر قالدىرۋ