وقۋ-اعارتۋ مينيسترلىگى سارا نازاربايەۆا اشقان "بوبەك" ۇلتتىق عىلىمي-پراكتيكالىق، ءبىلىم بەرۋ جانە ساۋىقتىرۋ ورتالىعىن "ۇزدىكسىز ينكليۋزيۆتى ءبىلىم بەرۋدىڭ ۇلتتىق عىلىمي-پراكتيكالىق ورتالىعى" شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى ەتىپ قايتا قۇرۋدى جوسپارلاپ وتىر. قازىرگى تاڭدا قۇجات جوباسى اشىق نقا پورتالىندا تالقىعا شىعارىلدى.
"ورتالىقتى قۇرۋ ينكليۋزيۆتى ءبىلىم بەرۋ بويىنشا عىلىمي-زەرتتەۋ قىزمەتىن جانە مەكتەپكە دەيىنگى، باستاۋىش، نەگىزگى ورتا، جالپى ورتا، تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ دەڭگەيلەرىندە ءبىلىم بەرۋ ۇيىمدارىن ادىستەمەلىك قامتاماسىز ەتەدى"، – دەلىنگەن رەسمي مالىمدەمەدە.
سونىمەن قاتار، اتالعان كاسىپورىن عىلىمي جانە عىلىمي-تەحنيكالىق جوبالار بويىنشا گرانتتىق قارجىلاندىرۋعا ارنالعان كونكۋرستارعا قاتىسۋ قۇقىعىنا يە بولىپ، ينكليۋزيۆتى ءبىلىم بەرۋدى دامىتۋدىڭ وزەكتى ماسەلەلەرى بويىنشا زەرتتەۋلەر جۇرگىزەدى.
پىكىر قالدىرۋ