ەڭبەك جانە حالىقتى الەۋمەتتىك قورعاۋ مينيسترلىگى سوڭعى ۋاقىتتا قاي سالادا جۇمىسشىلارعا سۇرانىس ارتقانىن ايتتى.
"نەگىزگى بوس جۇمىس ورىندارىنىڭ جارتىسى، ياعني 51،9 مىڭ ورىن ءبىلىم، دەنساۋلىق ساقتاۋ جانە باسقا دا قىزمەت تۇرلەرى سالالارىنداعى كاسىپورىنداردا بايقالدى. وتكەن ايمەن سالىستىرعاندا ورتاشا بىلىكتى جۇمىسشىلارعا سۇرانىس 14% ءوستى، 6،1 مىڭ بوس جۇمىس ورنى پايدا بولدى"، – دەلىنگەن ەڭبەك مينيسترلىگىنىڭ حابارلاماسىندا.
شىلدە ايىندا ەڭ كوپ سۇرانىسقا يە بولعان ماماندىقتار:
- اۆتوكولىك جۇرگىزۋشىلەرى (2 مىڭ بوس جۇمىس ورنى جانە 2،3 مىڭ تۇيىندەمە)؛
- تاربيەشىلەر (2،1 مىڭ تۇيىندەمە جانە 1،9 مىڭ بوس ورىن)؛
- مەدبيكەلەر (2 مىڭ تۇيىندەمە جانە 1،6 مىڭ بوس ورىن).
ءبىر ايدا سۇرانىس ارتقان ماماندىقتار:
- تىگىنشى – 600 بوس جۇمىس ورنى،
- ماتەماتيكا ءمۇعالىمى – 320 بوس جۇمىس ورنى
- تاربيەشىنىڭ كومەكشىسى – 300 بوس جۇمىس ورنى.
پىكىر قالدىرۋ