جوعارى اۋديتورلىق پالاتا 2019-2023 جىلدارداعى "نازاربايەۆ زياتكەرلىك مەكتەپتەرى" دەربەس ءبىلىم بەرۋ ۇيىمىندا بيۋدجەت قاراجاتىنىڭ قانشالىقتى ءتيىمدى جۇمسالعانىن انىقتاۋ ءۇشىن مەملەكەتتىك اۋديت جۇرگىزدى. اۋديت ناتيجەسىندە نازاربايەۆ زياتكەرلىك مەكتەپتەرى 3 جىلدا 16،4 ملرد تەڭگەنى يگەرە الماعانى انىقتالدى.
"جالپى مەملەكەتتىك اۋديت 274،4 ملن تەڭگەگە قارجىلىق زاڭبۇزۋشىلىقتاردى انىقتادى. قاراجاتتى ءتيىمسىز جوسپارلاۋ 8،3 ملرد تەڭگەنى، ءتيىمسىز پايدالانۋ شامامەن 6 ملرد تەڭگەنى قۇرادى. سونىمەن قاتار 134 راسىمدىك بۇزۋشىلىق پەن 30 جۇيەلىك كەمشىلىك انىقتالدى"– دەلىنگەن رەسمي حابارلامادا.
مەملەكەتتىك اۋديت بارىسىندا 2019-2023 جىلدارى نزم 8 ملرد تەڭگەنىڭ ءىس-شاراسىن ورىنداماعانى انىقتالدى.
سونداي-اق 3 جىل ىشىندە نازاربايەۆ زياتكەرلىك مەكتەپتەرى 16،4 ملرد تەڭگەنى يگەرمەگەن، ال بانك شوتتارىندا جىل سايىن 27 ملرد دوللاردان 55 ملرد تەڭگەگە دەيىن قارجى قالدىقتارى جيناقتالعانى بەلگىلى بولدى.
تەكسەرىس قورىتىندىسى بويىنشا 1 ماتەريال قۇقىق قورعاۋ ورگاندارىنا، تاعى 10 فاكتى بويىنشا ماتەريال اكىمشىلىك ءىستى قوزعاۋ ءۇشىن ۋاكىلەتتى ورگاندارعا جىبەرىلدى.
پىكىر قالدىرۋ