گامبۋرگتەگى بۋندەسۆەر ايماقتىق قولباسشىلىعىنىڭ قولباسشىسى ميحاەل گيسس Welt باسىلىمىنا بەرگەن سۇحباتىندا گەرمانيانىڭ بەس جىلدان كەيىن رەسەيمەن اراداعى سوعىسقا دايارلىقتى باستاۋ كەرەگىن ايتتى ونىڭ سوزىنشە، قازىرگى ۋاقىتتا نەمىس ساياساتكەرلەرىنىڭ باستى مىندەتى – سوعىسقا دايىندالۋ.
“مەنىڭ سولدات رەتىندە ۋاقىتىم اياقتالىپ كەلەدى. سونداي-اق مەن بەس جىلدان كەيىن ءبىزدىڭ قوعام سىرتقى اسكەري قاۋىپكە توتەپ بەرە الاتىنداي جاعدايدا بولۋ كەرەگىن تۇسىنەمىن”، – دەيدى ميحاەل گيسس.
ونىڭ ايتۋىنشا، گەوگرافيالىق ورنالاسۋىنا بايلانىستى گەرمانيا رەسەيمەن سوعىس بولعان جاعدايدا ناتو اسكەرلەرىن شىعىس قاپتالعا وتكىزەتىن جەرگە اينالادى.
"بۇل – ساياسات، بۋندەسۆەر، ەكونوميكا جانە قوعام ءۇشىن ۇلكەن ورتاق مىندەت. سونداي-اق بۇل گەرمانياداعى ەڭ ۇلكەن پورت ناتو كۇشتەرىنە فۋنكسيونالدىلىق پەن قولداۋ كورسەتۋ ءۇشىن پايدالانىلاتىن گامبۋرگتەگى ماڭىزدى ينفراقۇرىلىمعا دا قاتىستى”، – دەيدى ول.
دەسە دە كاپيتان ەكى ەل اراسىندا اسكەري قاقتىعىستى قوزدىرماي، ۇتىمدى قادام جاساۋعا شاقىردى.
"ءبىز بەيبىت ءومىر ءسۇرىپ جاتىرمىز، بىزدە فۋتبول چەمپيوناتى بولدى، وليمپيادا ويىندارى بار، سونداي-اق مايوركاعا دەمالۋعا بارامىز. مۇنىڭ ءبارى جاقسى جانە سولاي بولۋى كەرەك. ءبىراق ءبىز گەرمانيا مەن ەۋروپاعا ءقاۋىپ ءتونىپ تۇرعانى جايلى حالىقتى حاباردار ەتۋىمىز كەرەك”، – دەيدى ميحاەل گيسس.
پىكىر قالدىرۋ