استانالىق ديلناز كارىموۆانىڭ قىزى ءتورتىنشى سىنىپقا بارادى. ونىڭ سوزىنشە، ورتاشا العاندا ءبىر بالاعا مەكتەپ قۇرالدارىن ساتىپ الۋ قۇنى 300 مىڭ تەڭگە بولدى.

“بۇعان كۇرتە، ەتىك سياقتى قىسقى كيىمدەر كىرمەيدى. ورتوپەديالىق ارقاسى بار ريۋكزاك ساتىپ الساڭىز، كەڭسە كەرەك-جاراقتارى شامامەن 70 مىڭ تۇرادى. مەن ۇنەمى بالالارىما ريۋكزاك ساتىپ الامىن”، – دەدى استانالىق. 

استاناداعى دۇكەندە ۇل بالاعا ارنالعان اق كويلەك 6500 تەڭگە تۇرادى. ماتادان جاسالعان جيلەتتىڭ باعاسى 4900 تەڭگە. شالباردىڭ باعاسى 7200 تەڭگە. قىزدارعا ارنالعان كيىم باعاسى دا بىردەي. 

ءقازىر كەڭسە كەرەك-جاراقتارى دۇكەندەرىندە ساتىپ الۋشىلار جەتكىلىكتى. ەڭ الدىمەن سورەلەردەن ريۋكزاكتار ​​الىنادى. ولاردىڭ باعاسى ەڭ الدىمەن وندىرۋشىگە بايلانىستى. مىسالى، ەڭ قىمبات پورتفەلدىڭ قۇنى – 32 000 تەڭگە. ەڭ قاراپايىمىن 6 مىڭعا ساتىپ الۋعا بولادى.

ەڭ قاجەتتى تاۋارلار قورجىنىنا 12 پاراقتان تۇراتىن داپتەر كىرەدى. بىرەۋىنىڭ قۇنى 25 تەڭگە، 10 داناسىنا 250 تەڭگە بەرەمىز. مەكتەپ وقۋشىسى قالامسىز جۇرە المايدى: شاريكتى قالامنىڭ قۇنى 50 تەڭگە. ءبىر قاراپايىم قارىنداشتىڭ باعاسى 30 تەڭگە.

ساتۋشى-كەڭەسشى فاريزا نۇرۋا باستاۋىش سىنىپ وقۋشىلارىنا كەرەكتى نارسەلەردىڭ قۇنىنا توقتالدى.

“پلاستيلين مەن اكۆارەلدىڭ ورتاشا باعاسى – 700 تەڭگە، گۋاش – 800 تەڭگە شاماسىندا. قاعازىمىز شامامەن 45 تەڭگە تۇرادى. مەن كورگەن ەڭ قىمباتى – 1300 تەڭگە. ءتۇرلى-تۇستى كارتون باعاسى شامامەن 100 تەڭگەدەن 1800 تەڭگەگە دەيىن”، – دەيدى فاريزا نۇرۋا. 

شامامەن كەڭسە تاۋارلارىنا ورتا ەسەپپەن 30 مىڭ تەڭگەدەي اقشا كەرەك بولادى. كيىمگە كەتەتىن شىعىن شامامەن 100 مىڭ تەڭگە بولۋى مۇمكىن.