سوڭعى جىلدارى ەلىمىزدە اۋىلداردىڭ جويىلۋ پروسەسسى ۇدەپ بارادى. ءبىر جىلدا قازاقستاندا تىركەلگەن 6 208 اۋىلدىڭ 78ء-ى كارتادان جويىلىپ كەتكەن. بۇل تۋرالى ۇلتتىق ستاتيستيكا بيۋروسى مالىمدەدى.

تاراتىلعان 78 اۋىلدىڭ 50ء-ى تۇركىستان جانە قوستاناي وبلىستارىنا، ال قالعان 28 اۋىل الماتى، شىعىس قازاقستان، اباي جانە قاراعاندى وبلىستارىنا تيەسىلى. 

قازاقستانداعى اۋىلدىق ەلدى-مەكەندەردىڭ جارتىسىنان استامىندا حالىق سانى 500 ادامنان از، سوندىقتان ولاردىڭ دامۋ الەۋەتى تومەن دەپ باعالاندى. 1 شىلدەدەدەگى كورسەتكىش بويىنشا اۋىلداردا ەل بويىنشا حالىقتىڭ 37،3 پايىزى تۇرعان، ءبىر جىل ىشىندە بۇل ۇلەس 0،8 پايىزعا ازايدى.

1 شىلدەدەگى جاعداي بويىنشا حالىق سانى 20 159 707-عا جەتتى. قالادا 12 573 367 ادام بولسا، اۋىلدىق جەردە 7 586 070 ادام تۇرىپ جاتىر.