جامبىل وبلىسى مويىنقۇم اۋداندىق سوتىندا پاراقورلىق جاساعانى ءۇشىن اۋدان اكىمىنىڭ مىندەتىن ۋاقىتشا اتقارۋشى س. تولەگەنوۆ، وسى اۋداننىڭ قارجى ءبولىمىنىڭ باسشىسى ت. ادىلبايەۆ جانە «Kaly» جك وكىلى ا. شۇبايەۆ سوتتالدى. بۇل تۋرالى جەمقورلىققا قارسى قىزمەت حابارلادى.
"تولەگەنوۆ پارا العانى، ال ادىلبايەۆ مەملەكەتتىك ساتىپ الۋ سالاسىنداعى جۇمىس جونىندەگى فۋنكسيالاردى لاۋازىمدىق مىندەتتەرىنەن الىپ تاستاماعانى جانە قىزمەت بويىنشا جالپى قامقورلىعى ءۇشىن وعان 400 مىڭ تەڭگە سوماسىندا پارا بەرگەنى ءۇشىن كىنالى دەپ تانىلدى. بۇدان باسقا، ادىلبايەۆ مويىنقۇم اۋىلىنىڭ جولدارىن جوندەۋ بويىنشا ورىندالعان جۇمىستارعا جەدەل اقى تولەگەنى ءۇشىن شۇبايەۆتان 600 مىڭ تەڭگە سوماسىندا پارا العان. سوت ۇكىمىمەن تولەگەنوۆ پەن شۇبايەۆقا 12 ملن تەڭگەدەن، ادىلبايەۆ 26 ملن تەڭگە ايىپپۇلعا سوتتالدى" دەلىنگەن انتيكور حابارلاماسىندا.
حابارلامادا ايىپپۇل بەلگىلەنگەن مەرزىمدە تولەنبەگەن جاعدايدا جازا شاراسى باس بوستاندىعىنان ايىرۋعا اۋىستىرىلاتىنى ەسكەرتىلگەن.
پىكىر قالدىرۋ