ۇكىمەتتىڭ باسپا ءسوز ورتالىعىندا ب ا ق وكىلى مينيسترگە "اتوم ەلەكتر ستانسياسىنا بولىنگەن قارجى ۇرلانىپ، جەمقورلىققا ۇلاسپاي ما؟ سالدارىنان جوبانىڭ ىسكە اسۋى كۇماندى بولماي ما؟" دەگەن سۇراق قويدى.
اتوم ستانسياسىن سالۋ بويىنشا كوپدەڭگەيلى باقىلاۋ مەحانيزمى بار. بۇل كەز كەلگەن زاڭسىز ارەكەتتىڭ بارلىق تاۋەكەلىن بارىنشا ازايتاتىنىنا سەنىمدىمىن. مەن مينيستر رەتىندە بۇعان بارىنشا ىقپال ەتەمىن. سونداي-اق قوعام، جۋرناليستىك قوعامداستىق الدىندا قابىلدانعان شەشىمدەر تۋرالى ۇنەمى ەسەپ بەرەمىن، - دەپ جاۋاپ بەردى ۆەدومستۆو باسشىسى.
ەسكە سالا كەتەيىك، وسىعان دەيىن، پرەمەر-مينيستر ولجاس بەكتەنوۆ ەلىمىزگە اەس سالىنسا، قۇرىلىس قاتاڭ باقىلاۋعا الىناتىنىن ايتتى. اەس بويىنشا رەفەرەندۋم وتكىزۋ تۋرالى ۇكىمەت قاۋلىسىنىڭ جوباسى پرەزيدەنت قاراۋىنا ۇسىنىلدى.
پىكىر قالدىرۋ