اتىراۋدا 232 ملن تەڭگە جىمقىرعانى ءۇشىن №4 اتىراۋ قالالىق ەمحاناسىنىڭ ءبىر توپ قىزمەتكەرى باس بوستاندىعىنان ايىرىلدى. بۇل تۋرالى قازاقستان رەسپۋبليكاسىنىڭ سىبايلاس جەمقورلىققا قارسى اگەنتتىگىنىڭ باسپا ءسوز قىزمەتى حابارلادى. 

"26 تامىزدا اتىراۋ قالاسىنىڭ سوتى №4 اتىراۋ قالالىق ەمحاناسىنىڭ ديرەكتورى ە. سابيروۆقا، شارۋاشىلىق مەڭگەرۋشىسى ا. ءالجانوۆاعا، باس بۋحگالتەر م. دۇيسەنعالييەۆاعا جانە كاسىپكەر ا. ەرالييەۆاعا قاتىستى ۇكىم شىعاردى"- دەلىنگەن حابارلامادا.

سوتتالۋشىلار زاڭناما تالاپتارىن بۇزا وتىرىپ جاسالعان شارتتار شەڭبەرىندە ءىس جۇزىندە قىزمەت كورسەتۋسىز كاسىپكەرگە 231،8 ملن تەڭگە سوماسىندا اقشا اۋدارۋ جولىمەن قاراجات جىمقىرعانى ءۇشىن كىنالى دەپ تانىلدى. سوت ۇكىمىمەن ولارعا 5 جىلدان 7 جىلعا دەيىنگى مەرزىمگە باس بوستاندىعىنان ايىرۋ جازاسى تاعايىندالدى.

سونىمەن قاتار، ەمحانا باسشىسى سابيروۆ ءومىر بويى مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارا المايدى. ءالجانوۆا، دۇيسەنعالييەۆا جانە ەرالييەۆا مەملەكەتتىك ۇيىمداردا 7 جىل ماتەريالدىق-جاۋاپتى لاۋازىمداردى اتقارۋ قۇقىعىنان ايىرىلدى.