ءماجىلىس دەپۋتاتى اسقار سادىقوۆتان دەپۋتاتتىق مانداتى الىندى. بۇل تۋرالى ورتالىق سايلاۋ كوميسسياسى حابارلادى.
""اق جول" قازاقستاننىڭ دەموكراتيالىق پارتياسى" قوعامدىق بىرلەستىگى ۇلتتىق كەڭەسىنىڭ 2024 جىلعى 1 شىلدەدەگى №1 قاۋلىcىنىڭ قابىلدانۋىنا بايلانىستى اسقار امانباي ۇلى سادىقوۆ قازاقستان رەسپۋبليكاسى پارلامەنتى ءماجىلىسىنىڭ دەپۋتاتى وكىلەتتىگىن جوعالتتى دەپ تانىلسىن" دەلىنگەن وسك قاۋلىسىندا.
پارتيا ءتوراعاسى ازات پەرۋاشيەۆ بۇل شەشىمگە ا. سادىقوۆتىڭ دەپۋتاتتىڭ مارتەبەسىنە ساي كەلمەيتىن ارەكەتتەرگە بارعانى نەگىز بولعانىن ءمالىم ەتتى.
"اتالمىش فاكتىنى پارتيالىق ورگاندار ءوز بەتىنشە انىقتاعان جانە قدپ پلەنۋمىندا قارالعان سوڭ، ا. سادىقوۆ پارتيادان شىعارىلدى، سوعان بايلانىستى ول دەپۋتاتتىق مانداتىنان ايىرىلدى" دەلىنگەن پەرۋاشيەۆتىڭ تەلەگرام ارناسىنداعى جازبادا.
پىكىر قالدىرۋ