رەسەي-ۋكراينا سوعىسى: ەلشىلىك ازاماتتارىمىزدى ۋكراينا اۋماعىنان كەتۋگە شاقىردى

/image/2024/09/05/crop-29_6_659x1171_i-4.webp

قازاقستاننىڭ ۋكرايناداعى ەلشىلىگى ەل ازاماتتارىن ۋكراينا اۋماعىنان كەتۋگە شاقىردى. بۇل تۋرالى ەلشىلىكتىڭ رەسمي تەلەگرام ارناسىندا جازىلعان.

"ۋكراينانىڭ بارلىق اۋماعىندا ازاماتتىق ينفراقۇرىلىم مەن مەملەكەتتىك نىساندارعا شابۋىلداردىڭ كۇشەيۋىنە بايلانىستى قازاقستان رەسپۋبليكاسىنىڭ ەلشىلىگى ءوز ازاماتتارىن ۋكرايناعا بارۋدان باس تارتۋعا، ال ەلدە جۇرگەندەردى اۋە شابۋىلى سيگنالدارىنا مۇقيات ءمان بەرۋگە جانە باسپانالاردا مەن بومبا باسپانالارىندا بولۋعا شاقىرادى"- دەلىنگەن حابارلامادا.

سونىمەن قاتار، ەلشىلىك ۋكرايناداعى قازاقستاندىقتارعا ۋكراينا اۋماعىنان كەتۋ جاعىن قاراستىرۋدى ۇسىندى. ەلشىلىكتىڭ حابارلاۋىنشا، قازاقستان ازاماتتارى پولشا نەمەسە مولدوۆا اۋماعى ارقىلى ۋكراينادان شىعىپ، ودان كەيىن كوممەرسيالىق اۋە قاتىناسىن پايدالانا الادى.

ايتا كەتەيىك، 3 قىركۇيەكتە رەسەي اسكەرى ۋكراينانىڭ پولتاۆا قالاسىنا شابۋىل جاساپ، 51 ادام قازا تاپقان بولاتىن.

رەسەي-ۋكراينا سوعىسى: ەلشىلىك ازاماتتارىمىزدى ۋكراينا اۋماعىنان كەتۋگە شاقىردى

قاتىستى تەگتەر :

پىكىر قالدىرۋ

قاتىستى ماقالالار