الماتى وبلىسى ىلە اۋدانىنداعى ەكى اۋىلدىڭ اتاۋى وزگەردى، دەپ حابارلادى Almaty.tv تەلەارناسى.
اۋدانداعى قازسيك اتالىپ كەلگەن اۋىلعا قازاق تەاتر پەداگوگيكاسىنىڭ نەگىزىن قالاۋشى اسقار توقپانوۆتىڭ ەسىمى بەرىلسە، ىرگەلەس جاتقان كومسومول اۋىلىنا جايناق اتاۋى بەرىلدى.
وسى وقيعاعا بايلانىستى ەلدىمەكەندەردە سالتاناتتى شارا ۇيىمداستىرىلعان.
تۇرعىندار اۋىلداردىڭ اتاۋى وزگەرگەنىن قازاقستاننىڭ مادەني مۇراسىن ساقتاۋ جانە ناسيحاتتاۋ جولىنداعى ماڭىزدى قادام دەپ ەسەپتەيدى.
– قازسيك اۋىلىنىڭ دا، كومسومول اۋىلىنىڭ دا اتاۋى اۋىستى. بۇل ءبارىمىز ءۇشىن ماڭىزدى جاعداي. ءبىزدىڭ ەلدىمەكەنگە اسقار توقپانوۆ سياقتى مىقتى قايراتكەردىڭ ەسىمى بەرىلگەنىنە قۋانىشتىمىن، – دەدى اۋىل تۇرعىنى عاليا ساعىمبەكوۆا.
پىكىر قالدىرۋ