سوت مالىمەتىنشە، ورال قالاسىنىڭ تۇرعىنى 2019-2020 جىلدار ارالىعىندا «كاچەستۆو PLUS» ج ش س قارجىلىق (ينۆەستيسيالىق) پيراميداسىن قۇرىپ، ينۆەستيسيالىق جوبالاردى زاڭدى تۇردە ينۆەستيسيالايمىز دەگەن جەلەۋمەن 73 سالىمشىنىڭ قاراجاتىن زاڭسىز تارتىپ، جوعارى تابىسقا ۋادە بەرگەن.

ونىڭ قىلمىستىق ارەكەتىنىڭ سالدارىنان جابىرلەنۋشىلەر جالپى سوماسى 143 ميلليون تەڭگەدەن استام ماتەريالدىق شىعىنعا ۇشىراعان.

"ودان ءارى وزىنە جەكە باسشىلىق بويىنشا بارلىق وكىلەتتىكتەردى بەرە وتىرىپ، ول ازاماتتاردىڭ تۇتىنۋ كووپەراتيۆىنەن "سۆوي DOM.kz" جانە "Pater Hause" تۇرعىن ءۇي-قۇرىلىس كووپەراتيۆىنەن جالپى سوماسى 161 ميلليون تەڭگەدەن استام قاراجاتتى ۇرلاعان. مەملەكەتتىك ايىپتاۋشىنىڭ ءپرينسيپتى ۇستانىمىن ەسكەرە وتىرىپ، سوتتالۋشىنىڭ قارجىلىق پيراميدانى قۇرۋعا جانە باسقارۋعا، سونداي-اق قاراجاتتى ۇرلاۋعا قاتىستىلىعى دالەلدەندى. سوت سوتتالۋشىنى كىنالى دەپ تاۋىپ، قارجى ۇيىمدارىندا باسشى لاۋازىمداردى اتقارۋ جانە 10 جىل مەرزىمگە قارجى ۇيىمىنىڭ مۇشەسى بولۋ قۇقىعىنان ايىرا وتىرىپ قىلمىستىق قۇقىق بۇزۋشىلىقتاردىڭ جيىنتىعى بويىنشا 7 جىلعا باس بوستاندىعىنان ايىردى. سونىمەن قاتار سوت ۇكىمىمەن تىيىم سالىنعان جىلجىمايتىن جانە جىلجىمالى مۇلىك، اتاپ ايتقاندا جەر تەلىمى مەن اۆتوكولىك كەلتىرىلگەن شىعىندى وتەۋگە جىبەرىلدى" دەلىنگەن سوت حابارلاماسىندا.