"قازپوشتا" اكسيونەرلىك قوعامىنىڭ 900-عا جۋىق بولىمشەسى جابىلۋى مۇمكىن. بۇل تۋرالى ءماجىلىس دەپۋتاتى ەرلان سايروۆ مالىمدەدى.
دەپۋتاتتىڭ ايتۋىنشا، ۇلتتىق وپەراتوردىڭ قازىرگى قارجىلىق جاعدايى ءماز ەمەس. 2017 جىلى بەلگىلەنگەن تاريفتەر "قازپوشتانىڭ" شىعىندارىن وتەمەيدى. ماسەلەن قىزمەتتىڭ وزىندىك قۇنى – 247،67 تەڭگە، ال مەرزىمدى باسىلىمداردى اۋىلدارعا جەتكىزۋدىڭ بەكىتىلگەن ءتاريفى – 17،6 تەڭگە. 2023 جىلدىڭ قورىتىندىسى بويىنشا "قازپوشتا" شىعىنى شامامەن 12،3 ملرد تەڭگە بولعان. سۋبسيديا قاجەتتى 8 ملرد تەڭگەنىڭ 2،05 ملرد تەڭگەسىن عانا جابادى.
2022 جىلى 33 فيليال، 2023 جىلى 13 فيليال جابىلعان. ەندى 900-گە جۋىق بولىمشە جابىلۋى مۇمكىن.
پىكىر قالدىرۋ