- شاقىرۋىمدى قابىل العانىڭىز ءۇشىن شىنايى ريزاشالىعىمدى بىلدىرەمىن. بۇل ءسىزدىڭ قازاقستانعا جاساعان العاشقى رەسمي ساپارىڭىز. ءبىز بۇعان ايرىقشا ءمان بەرەمىز. بۇگىنگى كەزدەسۋ قازاقستان مەن گەرمانيانىڭ كوپقىرلى ىقپالداستىستىعىن جاڭا بەلەسكە كوتەرەدى دەپ سەنەمىن. سەبەبى، ەلدەرىمىزدىڭ اراسىندا ءوزارا سەنىم بار، بەرىك دوستىق قاتىناستار ورناعان. ءبىز جاڭا عانا شاعىن قۇرامدا ەكىجاقتى قارىم-قاتىناستى ودان ارى نىعايتۋ ماسەلەلەسىن تالقىلادىق، - دەدى قاسىم-جومارت توقايەۆ.
توقايەۆ كانسەرلەرمەن كەزدەسۋدە ساۋدا، ەكونوميكا، ينۆەستيسيا سالاسىنداعى ىقپالداستىقتى تەرەڭدەتۋگە ەرەكشە نازار اۋدارىلعانىن ايتادى.
بۇدان بولەك، وزەكتى حالىقارالىق ماسەلەلەر تۋرالى ءسوز قوزعادىق. اسىرەسە، قازىرگى گەوساياسي احۋالعا، جاھاندىق قاۋىپسىزدىككە جانە ايماقتىق دامۋعا، كليماتتىڭ وزگەرۋىنە قاتىستى پىكىر الماستىق. سونداي-اق حالىقارالىق ۇيىمدار اياسىنداعى بايلانىستارعا توقتالدىق. ەكىجاقتى قارىم-قاتىناسىمىز ستراتەگيالىق سەرىكتەستىك رۋحىندا دامىپ كەلە جاتىر. كەڭەيتىلگەن قۇرامداعى كەلسسوزدەر ونىڭ اياسىن كەڭەيتە تۇسۋگە ىقپال ەتەدى دەپ سەنەمىن، - دەدى مەملەكەت باسشىسى.
ەسكە سالا كەتەيىك، پرەزيدەنت قاسىم-جومارت توقايەۆ اقوردادا گەرمانيانىڭ فەدەرالدىق كانسلەرى ولاف ءشولستى قارسى العانى تۋرالى وسىعان دەيىن جازدىق.
پىكىر قالدىرۋ