دەرەكتەرگە سەنسەك، جابىرلەنۋشىلەرگە كەلتىرىلگەن شىعىن 650 ميلليون تەڭگەدەن اسادى.

"قاراعاندى قالاسىندا 45 جاستاعى ەر ادام قۇرىقتالدى. ول 2018 جىلدىڭ شىلدەسىندە ءوزى اقتوبەدە بولا وتىرىپ، ەلوردادا جىلجىمايتىن مۇلىك ساتىپ الىپ بەرۋ سىلتاۋىمەن 100 ميلليون تەڭگەنى يەمدەنگەن. الماتىدا 44 جاستاعى ايەل ۇستالدى. ول كوكونىستەر مەن جەمىستەردى جەتكىزۋ سىلتاۋىمەن ازاماتتاردى 516 ميلليون تەڭگەدەن استام سوماعا الداعان"، – دەلىنگەن مينيسترلىك حابارلاماسىندا. 

استانادا 60 جاستاعى جەرگىلىكتى تۇرعىن ۇستالدى. ول وتكەن جىلدىڭ قىركۇيەك ايىندا جەڭىلدەتىلگەن نەسيە ارقىلى تۇرعىن ءۇي ساتىپ الۋ سىلتاۋىمەن 30 ميلليون تەڭگە جىمقىرعان. 

"سونىمەن قاتار رەسەي فەدەراسياسىنىڭ ماسكەۋ قالاسىندا 30 جاستاعى قازاقستاندىق ازامات قولعا ءتۇستى. ول دا الاياقتىق جولمەن ونداعان ميلليون تەڭگەنى قالتاعا باسقان"، – دەدى مينيسترلىكتىڭ رەسمي وكىلى شىڭعىس الەكەشيەۆ. 

جالپى قابىلدانعان شارالاردىڭ ارقاسىندا جىل باسىنان بەرى پوليسيا 1 360 قىلمىسكەردى ۇستاپ، مىڭنان استام جوعالعان ادامنىڭ ورنالاسقان جەرىن انىقتادى.

ەسكە سالايىق، بۇعان دەيىن 27 ميلليون تەڭگە جىمقىرعان قازاقستاندىق ايەل تۇركيادان ەكستراديسيالانعانىن جازدىق. كۇدىكتى 2022-2023 جىلدار ارالىعىندا الماتىداعى كوممەرسيالىق ۇيىمنىڭ بۋحگالتەرى بولا وتىرىپ، تولەم تاپسىرمالارىنا جالعان مالىمەتتەر ەنگىزۋ ارقىلى وزىنە سەنىپ تاپسىرىلعان قاراجاتتى زاڭسىز يەمدەنگەن. قىلمىس جاساعاننان كەيىن كۇدىكتى جاسىرىنعان. وسىعان بايلانىستى ول حالىقارالىق ىزدەۋگە جاريالاندى.