1 قازاننان باستاپ پويىز بيلەتتەرى 20 پايىزعا قىمباتتايدى.
بۇگىندە ەل بويىنشا پويىزدار 140 باعىت قاتىنايدى. سونىڭ 62ء-سىنىڭ ءتاريفى وسەدى دەپ جوسپارلانىپ وتىر.
ستاندارت ۆاگونداردىڭ قۇنى 6300 تەڭگەدەن 7500 تەڭگەگە، تالگو پويىزىنىڭ بيلەتتەرى 10 مىڭ تەڭگەدەن 12 مىڭ تەڭگەگە قىمباتتايدى.
"بۇل ءبىزدىڭ پويىزداردا كورسەتىلەتىن قىزمەتتەردىڭ ساپاسىن ارتتىرۋ، سونىمەن قاتار تەمىرجولشىلاردىڭ ەڭبەكاقىسىن كوتەرۋ ءۇشىن جاسالىپ جاتىر. ءقازىر ەلىمىزدە وسى باعىتتاردىڭ بارلىعىندا 2 667 كولىك ءجۇرىپ جاتىر، توزۋى ايتارلىقتاي جوعارى، بۇل 44 پايىزدى قۇرايدى"، – دەدى كولىك مينيسترلىگىنىڭ رەسمي وكىلى ءلاززات ستامعازييەۆا.
پىكىر قالدىرۋ