«مەملەكەت باسشىسىنىڭ وكىمىمەن داۋرەن جۇماتاي ۇلى قوسانوۆ قازاقستان رەسپۋبليكاسى قورعانىس ءمينيسترىنىڭ ورىنباسارى — قارۋلى كۇشتەرى اۋە قورعانىسى كۇشتەرىنىڭ باس قولباسشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، — دەپ جازىلعان قۇجاتتا.
ايتا كەتەيىك، داۋرەن جۇماتاي ۇلى بۇعان دەيىن قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرىنىڭ باس قولباسشىسى بولدى.
1990 جىلى ارماۆير جوعارى اسكەري اۆياسيالىق ۇشقىشتار ۋچيليششەسىن، اسكەري-اۋە اكادەمياسىن بىتىرگەن.
1969 جىلى 14 قازاندا پاۆلودار وبلىسى، قازكسر، كراسنوكۋت اۋدانى، نوۆوترويسكوە اۋىلىندا دۇنيەگە كەلگەن.
ءۇشارال جاۋىنگەرلىك پولكىندە قىزمەت ەتتى.
تالدىقورعانداعى «سۋ-27» ەسكادريلياسىنىڭ كومانديرى بولدى.
قاراعاندى اۆيابازاسى شتابىنىڭ باستىعى؛
شىمكەنت اۆيابازاسىنىڭ كومانديرى؛
قازاقستان رەسپۋبليكاسى قارۋلى كۇشتەرى اۋە قورعانىسى كۇشتەرى اسكەري-اۋە كۇشتەرىنىڭ قولباسشىسى؛
اقتوبە قالاسىنداعى اۋە قورعانىسى كۇشتەرى اسكەري ينستيتۋتىنىڭ ديرەكتورى قىزمەتتەرىن اتقاردى.
2022 جىلعى 29 جەلتوقساندا قازاقستان رەسپۋبليكاسى پرەزيدەنتىنىڭ بۇيرىعىمەن قازاقستان رەسپۋبليكاسى قارۋلى كۇشتەرىنىڭ اۋە قورعانىسى كۇشتەرىنىڭ باس قولباسشىسى لاۋازىمىنا تاعايىندالدى
«اسكەري ۇشقىش مەرگەن». II دارەجەلى «داڭق» وردەنىمەن، «جاۋىنگەرلىك ەرىگى ءۇشىن» مەدالىمەن جانە مەرەيتويلىق مەدالدارمەن ماراپاتتالعان.
پىكىر قالدىرۋ