بەلگىنىڭ ورىسشا جازىلۋىندا ارتىق ارىپتەر قوسىلسا، قازاقشا نۇسقاسىندا ارىپتەر جەتىسپەگەن. ياعني ورىسشاسىندا “جاندوسوسوۆا” جانە قازاقشاسىنداعى “جاندوۆ” دەگەندە “سو” ارىپتەرى ءتۇسىپ قالعان. كۋاگەرلەردىڭ ايتۋىنشا، بۇل بەلگى ۇزاق ۋاقىت ءىلىنىپ تۇرماعان، ونى تەز الىپ تاستاعان. جەلى قولدانۋشىلارى بۇل قاتەنىڭ سەبەبى تۋرالى ءارتۇرلى بولجامدار ايتتى.
بىرەۋلەر جول بەلگىسىن جاساعان قىزمەتكەردىڭ ءۇش ءتۇن ۇيىقتاماعانىن نەمەسە وسى كوشە بويىنداعى كەپتەلىستە كوپ تۇراتىنىن قالجىڭداپ جازدى.
"جارايدى، ونى كىم باسىپ شىعارسا دا، قاتەلەسكەن شىعار؟ ءبىراق ونى الىپ، ورناتقان ادام قاتەنى كورمەدى مە؟"، "بۇل جەردە كۇلۋدىڭ ورنىنا جىلاۋ كەرەك"، "قاپ، ەندى قاتەنى تۇزەتۋ ءۇشىن كەمىندە جارتى ميلليون ءبولۋ كەرەك"، "مىنا تۇرلەرىنە قاراماي اەس سالعالى جاتىر"، "مەملەكەتتىك ورگانداردا ساۋاتتى ادامدار وتىرماعانىنا تاعى ءبىر دالەل"، "جاندوسوسوۆا پاۆلياشۆيلي"، "جاندوسوس دەگەن كىم، تۇزەيتىن مامان جوق پا؟"، – دەپ جەلى قولدانۋشىلارى پىكىر جازدى.
پىكىر قالدىرۋ