استاناعا كىرەتىن بارلىق جۇك كولىگى اۆتوماتتى تۇردە ولشەۋدەن وتەدى، دەپ حابارلادى كولىك مينيسترلىگى.وتكەن ايدان باستاپ ەلوردانىڭ نەگىزگى كىرەبەرىستەرىندە جول ساپاسىن قامتاماسىز ەتۋ ماقساتىندا اۋىر جۇك كولىكتەرىنىڭ سالماعىن ولشەيتىن اۆتوماتتاندىرىلعان جۇيەلەر ىسكە قوسىلدى.
وسىلايشا، قىركۇيەكتىڭ ورتاسىنان بەرى 280 جۇك كولىگىنىڭ جۇرگىزۋشىسى سالماق نورماسىن بۇزعان. ايىپپۇلدىڭ جالپى سوماسى 100 ميلليون تەڭگەدەن استى. جۇك تاسىمالدايتىن كومپانيالارعا حاتتاما جىبەرىلدى.

"ينەرتتى جۇكتى تاسىمالدايتىن ءاربىر ءۇشىنشى ساموسۆال جۇرگىزۋشىسى رۇقسات ەتىلگەن نورمانى ساقتاماي، نورمادان تىس جۇك تاسىمالداۋدا. اۋىر جۇك كولىكتەرىنە تيەلگەن جۇك نورمادان 2-3 ەسە اسىپ تۇسەدى. رۇقسات ەتىلگەن نورما 25 توننا بولسا، ءىس جۇزىندە 40-60 توننا تاسىمالدانادى. ءبىز جۇك كولىگى جۇرگىزۋشىلەرىن جانە بارلىق تاسىمالداۋشىنى رۇقسات ەتىلگەن سالماق نورمالارىن قاتاڭ ساقتاۋعا شاقىرامىز. نەگىزگى مىندەت — جولداردىڭ مەرزىمىنەن بۇرىن توزۋىن بولدىرماۋ"، – دەلىنگەن حابارلامادا.