ايەلدەر ءۇشىن بەيبىتشىلىك پەن قاۋىپسىزدىكتىڭ جاھاندىق يندەكسىنە سايكەس، 2023 جىلى ەڭ ناشار ەلدەر تاياۋ شىعىس پەن افريكا مەملەكەتتەرى بولدى. ەسەپتى دجوردجتاۋن ايەلدەر، بەيبىتشىلىك جانە قاۋىپسىزدىك ينستيتۋتى ەكى جىلدا ءبىر رەت شىعارادى. قازاقستاننىڭ دەڭگەيى بۇل كورسەتكىشتە تومەندەگەن، دەپ حابارلادى Ranking.kz.
تومەن ۇپايدىڭ نەگىزگى فاكتورلارى – انا ءولىمىنىڭ جوعارى دەڭگەيى، ءبىلىم دەڭگەيىنىڭ تومەندىگى جانە زورلىق-زومبىلىق دەڭگەيىنىڭ جوعارىلاۋى. ايەلدەر ءۇشىن ەڭ ناشار ەلدەر اۋعانستان (0،286 ۇپاي) جانە يەمەن (0،287 ۇپاي) بولدى.
تىزىمگە سونىمەن قاتار وار (0،378 ۇپاي)، كونگو (0،384 ۇپاي)، وڭتۇستىك سۋدان (0،388 ۇپاي)، بۋرۋندي (0،394 ۇپاي)، سيريا (0،407 ۇپاي)، ەسۆاتيني (0،415 ۇپاي)، سومالي (0،417 ۇپاي) جانە يراك (0،424 ۇپاي) كىردى.
قازاقستان ءوز پوزيسياسىن ناشارلاتتى: 59-شى ورىننان بىردەن 70ء-شى ورىنعا تومەندەدى، ال يندەكس 0،761-دەن 0،729-عا دەيىن ازايدى. وا جانە ەاەو مەملەكەتتەرىنىڭ اراسىندا قازاقستاننان جوعارى ارمەنيا (0،772 بالل)، رەسەي (0،752 بالل)، بەلارۋس (0،733 بالل) جانە تۇرىكمەنستان (0،75 بالل) ورنالاسقان.
قازاقستاننان تومەن تاجىكستان (0،69 بالل)، وزبەكستان (0،674 بالل) جانە قىرعىزستان (0،673 بالل) تۇر.
پىكىر قالدىرۋ