ق ر ەڭبەك سىڭىرگەن قايراتكەرى، قۇرمەت وردەنىنىڭ يەگەرى قۇدايبەرگەن بەكىش الماتىداعى رەفەرەندۋمدا داۋىس بەرۋگە قاتىستى.ءانشى №168 مەكتەپتە ورنالاسقان № 416 ۋچاسكەگە باردى. قۇدايبەرگەن بەكىش اتوم ەلەكتر ستانسياسىن سالۋ سياقتى قازاقستان ءۇشىن ماڭىزدى شەشىم قابىلداۋدا ءاربىر قازاقستاندىقتىڭ داۋىسىنىڭ ماڭىزدىلىعىن اتاپ ءوتتى.

"بۇگىن ەلىمىز ءۇشىن ايتۋلى كۇن. مەن ازاماتتىق بورىشىمدى ورىندادىم جانە سايلاۋ ۋچاسكەسىندە داۋىس بەردىم. ءبىزدىڭ بارلىق ازاماتتارىمىزدى شەتتە قالماۋعا جانە ەلىمىز ءۇشىن ماڭىزدى وقيعاعا قاتىسۋعا شاقىرامىن"، - دەپ اتاپ ءوتتى ءارتىس.

ەستەرىڭىزگە سالا كەتەيىك، بۇگىن قازاقستان اۋماعىندا اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى اكىمى ەربولات دوسايەۆ جۇبايىمەن بىرگە №48 مەكتەپ-ليسەيدەگى №388 سايلاۋ ۋچاسكەسىنە كەلىپ، العاشقىلاردىڭ ءبىرى بولىپ داۋىس بەرۋگە قاتىستى. قالاداعى سايلاۋ ۋچاسكەلەرى ساعات 20:00-گە دەيىن جۇمىس ىستەيتىن بولادى.