وسىدان 4-5 جىل بۇرىن اقجارقىن تۇرلىبايدىڭ ىسىنە قاتىستى وتانداسىمىزدى ەلگە قايتارۋ باعىتىندا پروكۋراتۋرا جانە سىرتقى ىستەر مينيسترلىگى بەلسەندى جۇمىس باستاعان ەدى. ءقازىر ول جايلى اقپارات از. جوقتىڭ قاسى دەۋگە بولادى. الەۋمەتتىك جەلىدە ەلگە قايتارىلدى، ءبىراق ونى جاريالاماي جاتىر دەگەن سياقتى ءارتۇرلى اقپارات تاراپ جاتىر. وسى باعىتتا قانداي جۇمىس ءجۇرىپ جاتىر. اقجارقىن تۇرلىباي ءقازىر قايدا؟ جانە ونى ەلگە قايتارۋ ماقساتى بار ما؟ - دەپ سۇرادى ب ا ق وكىلدەرى.

- اقجارقىن تۇرلىبايدىڭ ىسىنە قاتىستى ايتاتىن بولسام، ءبىز وسى سىم-مەن بىرلەسە وتىرىپ قازاقستان ازاماتىن قىتايدان قايتارۋعا بار كۇش-جىگەرىمىزدى سالۋدامىز. ءبىز ول جۇمىستى توقتاتقانىمىز جوق. ول جۇمىس بەلسەندى اتقارىلىپ جاتىر. مەنىڭ ويىمشا جاقىن ارادا وڭ شەشىمىن تابادى دەپ سەنەمىن، - دەدى عالىمجان قويگەلدييەۆ.

ونىڭ ايتۋىنشا، اقجارقىن تۇرلىباي جازاسىن ەلدە وتەگىسى كەلەدى.

ءوز جازاسىن ەلدە وتەگىسى كەلەتىنى جايلى ارىزى بىزگە كەلىپ تۇسكەن. ول ەلگە كەلىپ وتەگىسى كەلەدى. ادۆوكاتى بىزبەن تۇراقتى تۇردە بايلانىستا، - دەدى ول.