ورتالىق كوممۋنيكاسيالار قىزمەتىندە وتكەن بريفينگتە قورعانىس ءمينيسترىنىڭ ورىنباسارى دارحان احدييەۆ تەكسەرىس باستالعانىن ايتتى.
"ءتيىستى بۇيرىققا وزگەرتۋلەر ەنگىزىلەدى، سودان كەيىن قۇجات اسكەرلەرگە ءوز قىزمەتىن وسى ستاندارتتارعا سايكەس كەلتىرۋ ءۇشىن شىعارادى. ءبىز بەينەكامەرالار مەن تەحنيكالىق قاۋىپسىزدىك قۇرالدارىن ساتىپ الۋدى دەسەنترلەندىردىك. ەندى اسكەري ءبولىم جوعارى تۇرعان ورگانعا قاراماي، ءوز بەتىنشە ينفراقۇرىلىمدى ساتىپ الىپ، جاڭارتا الادى"، - دەدى احدييەۆ.
قورعانىس ءمينيسترىنىڭ ورىنباسارى الىمجەتتىك وقيعالارى ءجيى ورىن الاتىن دارەتحاناعا باراتىن جولداردا كامەرالار ورناتىلاتىنىن دا ەسكەردى.
"كابيناعا ەشكىم كامەرا ورناتپايدى، ءبىراق وعان باراتىن جولدا كامەرالار بولادى دەپ جوسپارلاپ وتىرمىز. سونىمەن قاتار ۆيدەونى زەرتتەۋ ءۇشىن جاساندى ينتەللەكت ەنگىزەمىز. ادامدار كوپ بولعان كەزدە دارەتحاناعا ءبىر ۋاقىتتا ەكى-ۇش ادام كىرەدى،ولار ۇزاق ۋاقىت شىقپاي قالعان كەزدە جۇيە كەزەكشىگە دە، جوعارىداعى ورگاندارعا دا سيگنال بەرەدى. سونىمەن قاتار بۇل جۇيە اسكەري پوليسيا وكىلدەرى ءۇشىن ازىرلەنىپ جاتىر”، — دەدى مينيسترلىكتىڭ وكىلى.
سونداي-اق جۋرناليستەر ۆيسە-مينيستردەن قورعانىس مينيسترلىگى ساربازداردى الىمجەتتىكتەن قاشان تولىق قورعاي الاتىنىن سۇرادى.
"ءبىز بۇل ماسەلە بويىنشا كۇن سايىن جۇمىس ىستەيمىز"، – دەدى ول.
پىكىر قالدىرۋ