استاناداعى سوت "قازاۆتوجول" كومپانياسىنىڭ ەكس-باسشىسىنا ۇكىم شىعاردى.
استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ مالىمەتىنشە، ىستە ەكى ادام ايىپتالعان. ولاردىڭ ءبىرى – "قازاۆتوجول" باسقارماسىنىڭ بۇرىنعى ءتوراعاسى.
تەرگەۋ بارىسىندا م. جانە ج.-نىڭ 2000 جىلداردان بەرى تانىس ەكەندىگى انىقتالعان.
“م. 2017-2019 جىلدارى اقمولا وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى، 2019-2021 جىلدارى وبلىس اكىمىنىڭ ورىنباسارى بولعان جانە اۆتوموبيل جولدارىنداعى، ونىڭ ىشىندە ەسىل وزەنى ارقىلى وتەتىن كوپىردەگى "جاقسى-ەسىل-بۋزۋلۋك" اۆتوجولىنداعى ماسەلەلەر تۋرالى بىلگەن.
2019 جىلى م.-نى وبلىس اكىمىنىڭ ورىنباسارى بولىپ تاعايىندالعان كەزدە "قازاۆتوجول" ۇك اق اقمولا فيليالى مەن ج. تۇلعاسىندا "اسىل-جاس" ج ش س اراسىندا وسى كوپىردى جوندەۋ بويىنشا 2،2 ميلليارد تەڭگە سوماسىنا ساتىپ الۋ تۋرالى شارت جاسالدى. سوتتا اقشا مەردىگەرگە اۋدارىلماعانى انىقتالدى”، – دەلىنگەن حابارلامادا.
م. 2021 جىلعى ساۋىردە "قازاۆتوجول" ۇك اق باسقارما ءتوراعاسى بولىپ تاعايىندالدى.
“2021 جىلعى 16 ماۋسىمدا تاپسىرىس بەرۋشىنىڭ باستاماسى بويىنشا شارت بۇزىلىپ، مەردىگەر اتىنان "اسىل-جاس" ج ش س ونىڭ ارەكەتتەرىن سوت تارتىبىندە داۋلاماعان. ال شىلدە-تامىز ايلارىندا ج. جانە مۇددەلى تۇلعالاردىڭ قاتىسۋىمەن كەڭەس ۇيىمداستىرىپ، وندا "اسىل-جاس" جشس-مەن ءبىر كوزدەن الۋ تاسىلىمەن شارت جاساسۋ تۋرالى ماسەلەگە باستاماشى بولعان. مۇنداي كەڭەستى وتكىزۋگە نەگىز جوق ەدى. ج.-دان ەشقانداي جازباشا ءوتىنىشى تۇسپەگەن”، – دەلىنگەن حابارلامادا.
“قك 189-بابى 4-بولىگىنىڭ سانكسياسى 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى. جازا تاعايىنداۋ كەزىندە سوت سوتتالۋشىلاردىڭ ارەكەتتەرىندە م. جانە ج.-نىڭ جازاسىن جەڭىلدەتەتىن ءمان-جايلاردى ەسكەرگەن: ول جاس بالالاردىڭ بولۋى جانە سوتتىلىقتارىنىڭ بولماۋى”، – دەپ شەشىم شىعاردى سوت.
پىكىر قالدىرۋ