25 جەلتوقساندا باكۋ-گروزنىي رەيسىن ورىنداعان Embraer 190 جولاۋشىلار ۇشاعىنىڭ اپاتقا ۇشىراۋىنا بايلانىستى 26 جەلتوقساندا ءازىربايجاندا ازا تۇتۋ كۇنى جاريالاندى.
ازەربايجان رەسپۋبليكاسىنىڭ پرەزيدەنتى يلحام الييەۆ ءتيىستى جارلىققا قول قويدى.
ەسكە سالايىق، بۇگىن باكۋدەن گروزنىيعا بەت العان «ازەربايجان اۋە باعىتتارى» كومپانياسىنا تيەسىلى ۇشاق اقتاۋ ماڭىندا قۇلاپ ءتۇستى. بورتتا 37 ءازىربايجان، 6 قازاقستان، 3 قىرعىزستان، 16 رف ازاماتى بولعان. ماڭعىستاۋ وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا، اپات ورنىنان 4 ادامنىڭ ءمايىتى تابىلدى، 7 ادام اۋىر حالدە جان ساقتاۋ بولىمىندە جاتىر. ازىرگە 28 ادام امان قالعانى ايتىلدى.
پىكىر قالدىرۋ