مۇنى ونىڭ ادۆوكاتى ايبەك سۇيىندىكوۆ مالىمدەدى.
ماڭعىستاۋ وبلىسى ءتۇپقاراعان اۋداندىق سوتىنىڭ ۇكىمىمەن سارسەنبايەۆ قۇقىق قورعاۋ ورگانى قىزمەتكەرىنىڭ زاڭدى تالابىنا باعىنباعانى ءۇشىن كىنالى دەپ تانىلدى. سول ءۇشىن ول 10 تاۋلىككە قاماۋعا الىندى.
وعان اكىمشىلىك قۇقىقبۇزۋشىلىق تۋرالى كودەكستىڭ 667-بابى "بيلىك وكىلىنىڭ زاڭدى تالابىنا باعىنباۋ" بويىنشا ايىپ تاعىلدى. سوت ءىستىڭ ءمان-جايىن ەسكەرىپ، ەڭ تومەنگى جازانى بەردى.
سوت ۇكىمى ءالى زاڭدى كۇشىنە ەنگەن جوق.
ازامات سارسەنبايەۆتىڭ ادۆوكاتى ونىڭ ارەكەتى ارام پيعىلدى ەمەس، قوعامدى اقپاراتتاندىرۋعا باعىتتالعانىن باسا ايتىپ، شەشىمگە شاعىمدانباق.
پىكىر قالدىرۋ