اقتاۋداعى AZAL ۇشاعىنىڭ اپاتىن تەرگەۋ بويىنشا قورىتىندى ەسەپ ءۇش جىلدان كەشىكتىرمەي بەكىتىلەدى.
25 جەلتوقساندا بولعان اۆياسيالىق وقيعانى تەرگەۋ ينۆەستيسيالار جانە دامۋ ءمينيسترىنىڭ 2017 جىلعى بۇيرىعىنا سايكەس جۇرگىزىلىپ جاتىر.
"بۇيرىقتىڭ 32-تارماعىنا ساي، ادام قازا بولعان اۆياسيالىق وقيعانى تەرگەپ-تەكسەرۋ ۇزاقتىعى كوميسسيا قۇرىلعان ساتتەن باستاپ اۆياسيالىق وقيعانى تەرگەپ-تەكسەرۋ ناتيجەلەرى تۋرالى قورىتىندى ەسەپ بەكىتىلگەن كۇنگە دەيىن، سونداي-اق ەگەر قوسىمشا زەرتتەۋلەر قاجەت بولماسا، ەرەجە 36 ايدان اسپايدى”، – دەپ حابارلادى مينيسترلىك.
تەرگەۋ كوميسسياسىنىڭ مۇشەسى، كولىك ۆيسە-مينيسترى تالعات لاستايەۆ 30 جەلتوقساندا تەرگەۋدىڭ الدىن الا نەمەسە ارالىق قورىتىندىسى 30 كۇندە دايىن بولاتىنىن حابارلادى.
پىكىر قالدىرۋ