ۇكىمەت وتىرىسىندا وقۋ-اعارتۋ ءمينيسترى عاني بەيسەمبايەۆ "جۇمىسشى ماماندىقتار جىلى" ىسكە اسىرالاتىن 6 ءىس-شاراعا توقتالدى.
جاڭا كاسىپتەر اتلاسى جانە كاسىپتىك باعدار تۇجىرىمداماسى
"جاڭا كاسىپتەر اتلاسى" ەلىمىزدىڭ بارلىق وڭىرلەرىندە ازىرلەنەدى. وقۋشىلار ەڭبەك نارىعىنىڭ تالاپتارى تۋرالى اقپارات الادى جانە مانساپتى دۇرىس تاڭداي الادى. 1000 مەكتەپتە بەيىندىك سىنىپتار اشىلىپ، جوعارى سىنىپ وقۋشىلارى پراكتيكالىق داعدىلارعا ۇيرەتىلەدى.
تەحنيكالىق جانە كاسىپتىك ءبىلىم بەرۋدى قارجىلاندىرۋ
2025 جىلعى 1 قىركۇيەكتەن باستاپ جان باسىنا شاققانداعى قارجىلاندىرۋ 437 مىڭنان 912 مىڭ تەڭگەگە دەيىن ۇلعايادى.
جاڭا قارجىلاندىرۋ جۇيەسى ءبىلىم ۇيىمدارىن زاماناۋي جابدىقتارمەن قامتاماسىز ەتۋگە جانە پەداگوگتەردىڭ بىلىكتىلىگىن ارتتىرۋعا مۇمكىندىك بەرەدى.
كوللەدجدەردىڭ ماتەريالدىق-تەحنيكالىق بازاسى جاڭارادى
270 مەملەكەتتىك كوللەدجدىڭ جابدىقتارىن جاڭارتۋ جوسپارلانعان. 2025-2027 جىلدارى جۇمىس بەرۋشىلەر مەن جەكە ينۆەستيسيالاردى تارتا وتىرىپ كوللەدجدەرگە زاماناۋي جابدىقتار الىنادى. كوللەدج ستۋدەنتتەرى ءۇشىن 6 مىڭنان استام جاتاقحانا ورنىنىڭ تاپشىلىعىن جويۋ مىندەتى قويىلعان.
بيزنەس-قۇرىلىمدارمەن ىنتىماقتاستىق ارتادى
518 كاسىپورىن شەفتىك قامقورلىق كورسەتسە، بۇل ساندى 4 مىڭعا دەيىن ارتتىرۋ كوزدەلۋدە. دۋافلدى وقىتۋ جۇيەسى دامىپ، كاسىپورىندارمەن 2 مىڭنان استام جاڭا ءبىلىم بەرۋ باعدارلاماسى ازىرلەنەدى.
كوللەدجدەردى ينتەرناسيوناليزاسيالاۋ
10 كوللەدجدى حالىقارالىق ستاندارتتارعا سايكەستەندىرۋ جانە جاھاندىق دەڭگەيدە باسەكەگە قابىلەتتىلىگىن ارتتىرۋ كوزدەلگەن. شەتەلدىك مەنەدجەرلەردىڭ قاتىسۋىمەن باسقارۋ جۇيەسى ەنگىزىلەدى، ال پەداگوگتار حالىقارالىق تاجىريبە الماسادى.
TurkSkills چەمپيوناتى
تۇركىتىلدەس ەلدەر اراسىندا العاش رەت TurkSkills چەمپيوناتى وتەدى. ماقساتى – ۇزدىك تاجىريبەلەردى انىقتاپ، يننوۆاسيالىق شەشىمدەردى وندىرىسكە ەنگىزۋ. چەمپيونات ماڭعىستاۋ وبلىسىندا، 2025 جىلى تۇركسوي ۇيىمىنىڭ مادەني استاناسى – اقتاۋدا وتەدى.
پىكىر قالدىرۋ