«Respublica» پارتياسى قۇرىلتايعا باراتىن دەپۋتاتتار ءتىزىمىن رەسمي تۇردە جاريالادى. تىزىمگە ەنگەن 9 وكىلدىڭ قاتارىندا الماتى قالاسى قوعامدىق كەڭەسىنىڭ ءتوراعاسى ماحامبەت قابدولقايىر ۇلى حاسەنوۆ بار.
ماحامبەت حاسەنوۆ 1975 جىلى 7 قىركۇيەكتە دۇنيەگە كەلگەن. 1997 جىلى قازاق مەملەكەتتىك باسقارۋ اكادەمياسىن «حالىقارالىق ۆاليۋتتىك-قارجىلىق قاتىناستار» ماماندىعى بويىنشا اياقتاعان. 2001–2002 جىلدارى يتالياداعى ENI Corporate University وقۋ ورنىندا «ەنەرگەتيكا جانە ەكولوگياداعى مەنەدجمەنت پەن ەكونوميكا» (MEDEA) باعدارلاماسى بويىنشا ءبىلىم العان. ەڭبەك جولىندا «Special Oil Projects» ج ش س مەن «المەرەك» مۇناي بازاسىنىڭ قۇرىلتايشىسى ءارى باس ديرەكتورى قىزمەتتەرىن اتقارعان.
سونىمەن بىرگە ول بۇعان دەيىن الماتى قالالىق ءماسليحاتىنىڭ VI شاقىرىلىمىنىڭ دەپۋتاتى بولعان. قازىرگى ۋاقىتتا الماتى قالاسى قوعامدىق كەڭەسىنىڭ ءتوراعاسى قىزمەتىن جانە «Respublica» پارتياسى ورتالىق اپپاراتى باسشىسىنىڭ كەڭەسشىسى مىندەتىن اتقارادى. پارتيالىق ءتىزىم شەشىمىنە سايكەس، ول قۇرىلتاي دەپۋتاتى مارتەبەسىن الدى.