الماتى وبلىسىندا وتكەن «قىمىزمۇرىندىق – 2026» ەتنوفەستيۆالى مارەسىنە جەتىپ، شارادان كەيىن «تازا قازاقستان» ەكولوگيالىق باعدارلاماسى اياسىندا قارقارا جايلاۋىندا تازارتۋ جۇمىستارى جۇرگىزىلۋدە. الداعى كۇندەرى دە بۇل جۇمىستار جالعاساتىن بولادى، – دەپ حابارلايدى الماتى وبلىسى اكىمىنىڭ باسپا ءسوز قىزمەتى.

كوممۋنالدىق قىزمەت ماماندارى مەن ەرىكتىلەر قوقىستاردى جەدەل جيناپ، الاڭدى رەتكە كەلتىرۋدە. سونىڭ ناتيجەسىندە اۋماقتىڭ تازالىعى ساقتالىپ، قورشاعان ورتانى قورعاۋ تالاپتارى قامتاماسىز ەتىلدى. تۇرمىستىق قالدىقتار مەن پلاستيك بوتەلكەلەر ارنايى تەحنيكامەن شىعارىلىپ جاتىر.

بۇل اۋقىمدى مادەني جوبالاردى تابيعاتقا جاناشىرلىقپەن قاراپ، ەكولوگيالىق جاۋاپكەرشىلىكتى ساقتاۋمەن ۇشتاستىرۋعا بولاتىنىن كورسەتتى. وسىلايشا، «قىمىزمۇرىندىق – 2026» فەستيۆالى كوپشىلىككە جارقىن اسەر مەن ۇمىتىلماس ەستەلىكتەر عانا سىيلاپ قويعان جوق. سونىمەن قاتار ۇلتتىق مۇرانى قۇرمەتتەۋ تابيعاتقا قامقورلىقتان باستالاتىنىن ايقىن كورسەتتى. «تازا قازاقستان» باعدارلاماسىنىڭ ماڭىزدىلىعىنا كوپشىلىكتىڭ تاعى ءبىر مارتە كوزىن جەتكىزدى.