ەنەرگەتيكا ءمينيسترى الماسادام ساتقالييەۆ اتوم ەلەكتر ستانسياسى قۇرىلىسى كەزىندە قانشا قازاقستاندىقتىڭ جۇمىسپەن قامتىلاتىنىن ايتتى.
ۇكىمەت وتىرىسى كەزىندە ەنەرگەتيكا ءمينيسترى اەس قۇرىلىسى كەزىندە 2030 جىلعا قاراي 5 مىڭعا جۋىق ادامنىڭ جۇمىسپەن قامتىلاتىنىن مالىمدەدى.
"2032 جىلعا قاراي قۇرىلىستىڭ شارىقتاۋ شەگىندە 10 مىڭعا جۋىق ادام جۇمىسپەن قامتىلادى. اەس قولدانىسقا بەرىلگەن سوڭ كەم دەگەندە 2000 ادام جۇمىسپەن قامتاماسىز ەتىلەدى. جاڭا جوبالاردان بولەك قولدانىستاعى جانارماي-ەنەرگەتيكالىق كەشەن ورىندارىندا 2025-2029 جىلدارى كادر قاجەتتىلىگى 16 مىڭ جۇمىس ورنى كولەمىندە بولادى"، – دەدى مينيستر.
سونداي-اق اەس قۇرىلىسىن قامتاماسىز ەتۋ ءۇشىن ەلدەگى كوللەدجدەردە اەس-كە ارنالعان مامانداردى دايارلاۋ ءۇشىن ماماندىقتار اشىلادى. ولار:
- دوزيمەتريست؛
- جوندەۋ جۇمىسى بويىنشا سلەسار؛
- اەس قۇرىلعىلارىن جوندەۋ جانە كۇتىمى بويىنشا ماماندار؛
- اقپاراتتىق تەحنولوگيالار سالاسىنداعى ماماندار.
پىكىر قالدىرۋ