بۇگىن ەل ءىشى ساقشىلارى ۇلتتىق ۇلان قۇرىلعان كۇن. اسكەري قۇرىلىمنىڭ جاساقتالعانىنا 33 جىل.

قازاقستان رەسپۋبليكاسى ءىىم ۇلتتىق ۇلانى قازاقستان رەسپۋبليكاسى iشكi iستەر ورگاندارىنىڭ بiرىڭعاي جۇيەسiنە كiرەدi جانە جەكە باستىڭ، قوعام مەن مەملەكەتتiڭ قاۋiپسiزدiگiن قامتاماسىز ەتۋگە، ادامنىڭ جانە ازاماتتىڭ قۇقىقتارى مەن بوستاندىقتارىن قىلمىستىق جانە وزگە دە قۇقىققا قارسى قولسۇعۋشىلىقتاردان قورعاۋعا ارنالعان، - دەپ جازىلعان ۇلتتىق ۇلاننىڭ قىزمەتتىك مىندەتتەمەسىندە.

ءقازىر ۇلتتىق ۇلاندا 13 مىڭ 500-گە جۋىق اسكەر مەرزىمدى قىزمەت اتقارادى. ولارعا قوعامدىق ءتارتىپتى قامتاماسىز ەتۋ، مەملەكەتتىك نىسانداردىڭ قاۋىپسىزدىگى جانە قارۋلى قاقتىعىستاردى بولدىرماۋ سىندى ماڭىزدى مىندەتتەر جۇكتەلگەن.

وتكەن ءبىر جىلدا جاساقتىڭ كينولوگ ماماندارى مەن قىزمەتتىك يتتەر 100-دەن استام ىز-كەسۋ وقيعالارىنا جۇمىلدىرىلدى. قىزمەتتىك يتتەر كومەگىمەن 40 كەلىدەن استام ەسىرتكى، 1،2 كەلى جارىلعىش زات، 74 ءوقدارى، 15 اتىس جانە سۋىق قارۋى تابىلدى. 81 قىلمىس اشىلىپ، 69 قوعامدىق ءتارتىپ بۇزۋشى ۇستالدى.

ۇلتتىق ۇلان قاتارىنداعى قىزمەت ەل الدىنداعى بورىشتى وتەۋمەن عانا شەكتەلمەيدى. بيىل مەرزىمدى قىزمەتىن اياقتاعان 627 اسكەري قىزمەتشىگە جوعارى وقۋ ورىندارىنان ءبىلىم گرانتتارى بەرىلسە، تاعى 500-گە جۋىق سارباز كەلىسىم-شارت نەگىزىندە قىزمەتىن جالعاستىرادى.