جەلىدە ادۆوكات مەيىرمان شەكەيەۆ پەن بلوگەر جان احمادييەۆ شەرزات پولاتتىڭ اپكەسى باقىت رەيموۆانى دەپورتاسيالاماي ەلدە قالاتىنىن مالىمدەدى.
الماتى وبلىسىنىڭ پروكۋراتۋراسى باس پروكۋراتۋرانىڭ كەلىسىمىمەن جوعارعى سوتقا باقىت رەيموۆانى دەپورتاسيالاماي، جازاسىن باسقا جولمەن وتەۋ تۋرالى ءوتىنىش جولداعان. ەندى ونىڭ ەلدە قالۋ ماسەلەسىن جوعارعى سوت شەشەدى.
باقىت رەيموۆا ەلدەن شىعارىلسا، ونىڭ كامەلەتكە تولماعان ۇلى مەيىربەك رەيموۆ اسىراۋشىسىز جالعىز قالادى. سول ءۇشىن جەتكىنشەك اناسىنان ايىرماۋدى سۇراپ، پرەزيدەنتكە ۇندەۋ جاساعان بولاتىن.
ادۆوكات مەيىرمان شەكەيەۆ بۇۇ-نىڭ بالا قۇقىعى تۋرالى كونۆەنسياسىنا ساي بالا مەن انانى اجىراتۋعا بولمايتىنىن ەسكە سالدى. 1989 جىلى قابىلدانعان بۇل تالاپتى ساقتاۋعا قازاقستان دا مىندەتتى.
ەسكە سالساق، باقىت رەيموۆا تالعاردا كىسى قولىنان قازا بولعان شەرزات پولاتتىڭ اپكەسى. ول باۋىرى نۇرعاناتتىڭ قازاسىنان كەيىن ەلدى ميتينگكە شاقىردى دەگەن ايىپپەن 15 تاۋلىككە قامالعان ەدى.
پىكىر قالدىرۋ