ءماجىلىس دەپۋتاتى نارتاي ارالباي ۇلى ءمامس جۇيەسىن ۋاقىتشا توقتاتا تۇرۋدى ۇسىندى.

دەپۋتات دەنساۋلىق ساقتاۋ ءمينيسترى اقمارال ءالنازاروۆاعا ءمامس جۇيەسىن ۋاقىتشا توقتاتا تۇرۋعا، الەۋمەتتىك مەديسينالىق ساقتاندىرۋ قورى قىزمەتكەرلەرىنىڭ جالاقىسىنا قاتىستى سۇراق قويدى.

ءمامس-تىڭ جۇمىس ىستەپ جاتقانىنا 6 جىل بولدى. نە تىركەۋ توقتاعان جوق. ونىڭ ىشىندە مارقۇمداردى دا تىركەپ جىبەردى. 3-4 ايلىق بالالاردىڭ دا ءتىسىن ەمدەدىك دەپ قور اقشا الىپ وتىرعانىن كورىپ وتىرمىز. بىلتىر پرەزيدەنت تاپسىرعان مەديسينالىق كومەكتىڭ ءبىرىڭعاي توپتاماسى دا جاسالعان جوق. وعان قوسا مەملەكەت باسشىسى ايتقان “جەرگىلىكتى بيلىك وكىلدەرى، اكىمدىكتەر الەۋمەتتىك وسال توپتاردىڭ كەيبىرىنىڭ مەديسينالىق ساقتاندىرۋىن جەرگىلىكتى بيۋدجەتتەن تولەسىن” باستاماسى دا جۇزەگە اسقان جوق. وسى ءمامس-تى جاساۋ ارقىلى حالىقتى سىناق الاڭىنا سالىپ جىبەرگەن سياقتىمىز. بۇرىنعى جۇيە دە، قازىرگى جۇمىس دە ىستەپ تۇرعان جوق. حالىق قايدا بارىپ، ەم الارىن بىلمەيدى، - دەدى دەپۋتات.

ءمامس-تىڭ جۇمىس ىستەپ جاتقانىنا 6 جىل بولدى. نە تىركەۋ توقتاعان جوق. ونىڭ ىشىندە مارقۇمداردى دا تىركەپ جىبەردى. 3-4 ايلىق بالالاردىڭ دا ءتىسىن ەمدەدىك دەپ قور اقشا الىپ وتىرعانىن كورىپ وتىرمىز. بىلتىر پرەزيدەنت تاپسىرعان مەديسينالىق كومەكتىڭ ءبىرىڭعاي توپتاماسى دا جاسالعان جوق. وعان قوسا مەملەكەت باسشىسى ايتقان “جەرگىلىكتى بيلىك وكىلدەرى، اكىمدىكتەر الەۋمەتتىك وسال توپتاردىڭ كەيبىرىنىڭ مەديسينالىق ساقتاندىرۋىن جەرگىلىكتى بيۋدجەتتەن تولەسىن” باستاماسى دا جۇزەگە اسقان جوق. وسى ءمامس-تى جاساۋ ارقىلى حالىقتى سىناق الاڭىنا سالىپ جىبەرگەن سياقتىمىز. بۇرىنعى جۇيە دە، قازىرگى جۇمىس دە ىستەپ تۇرعان جوق. حالىق قايدا بارىپ، ەم الارىن بىلمەيدى، - دەيدى نارتاي ارالباي ۇلى.

دەنساۋلىق ساقتاۋ ءمينيسترى اقمارال ءالنازاروۆا ءمامس جاڭا جۇيە بولعاندىقتان كەمشىلىكتەرى بار ەكەنىن جاسىرمادى. ول بۇل كەمشىلىكتەردى دەپۋتاتتارمەن بىرگە جوياتىنىنا سەنىمدى ەكەنىن قوسا كەتتى.

- 17 ملرد تەڭگەنىڭ ىشىنە بارلىعى كىرەدى. جالاقىنى تولەۋ قورى 11 ملرد تەڭگە بولسا، قالعان شىعىندار 20 فيليال مەن ورتالىق فيليالدىڭ بارلىعىن ۇستاپ تۇرۋعا كەتەدى. 2024 جىلدىڭ قورىتىندىسىمەن 15،5 ملرد تەڭگە كولەمىندە قاراجات شىعىندارعا جۇمسالدى، - دەپ ءتۇسىندىردى مينيستر ماجىلىستە.