ءماجىلىس دەپۋتاتى ماقسات تولىقباي جومارت كەنىشىندەگى اپاتقا قاتىستى پىكىر ءبىلدىردى.

- قازا بولعان 7 كەنشىنىڭ وبالى كىمگە؟ مۇنداي جاعداي قايتالانباسىنا كىم كەپىل؟ "قازاقمىس" شاحتالارىندا وسى كەزگە دەيىن قانشاما اپات بولدى. ولاردىڭ سەبەبى تەحنيكانىڭ توزۋى ما، وندىرىستىك قاۋىپسىزدىك تالاپتارىنىڭ ساقتالماۋى ما انىقتاۋ كەرەك. وسى ءماجىلىس قابىرعاسىندا بۇل ماسەلە بىرنەشە رەت كوتەرىلدى. كەيبىر مەملەكەتتە مۇنداي جاعداي بولسا، كومپانيا باسشىلىعى ەلدىڭ الدىنا شىعىپ، كەشىرىم سۇرار ەدى. بىزدەگى جاعدايدى كورىپ وتىرسىزدار، سوندىقتان مۇنى تۇبەگەيلى باقىلاۋ كەرەك. تەك "قازاقمىس" ەمەس، بارلىق شاحتاداعى قاۋىپسىزدىكتىڭ ساقتالۋ ماسەلەسىن تەكسەرۋ قاجەت. سەبەبى مۇنداي اپاتتىڭ قايتالانباسىنا ەش كەپىلدىك جوق. وسى ورايدا تەرگەۋ ناتيجەسىن كۇتەيىك، ءقازىر ۇكىمەتتىك كوميسسيا دا قۇرالدى، جاۋاپتىلار مىندەتتى تۇردە جازاعا تارتىلۋى كەرەك، - دەدى ول.

ايتا كەتەيىك، قازىرگى كەزدە ۇكىمەتتىك كوميسسيا اۆاريانىڭ تەرگەپ-تەكسەرۋ جۇمىستارىن باستادى. الدىن الا دەرەكتەر بويىنشا شاحتادا تابيعي گاز جارىلعان.

دەرەككوز: baq.kz