حالىقارالىق ايەلدەر كۇنى قارساڭىندا كوپبالالى انالار مەن وتباسىلارعا، ونىڭ ىشىندە از قامتىلعاندارعا ءبىرجولعى الەۋمەتتىك تولەم تولەنەدى.

   الەۋمەتتىك كومەك مولشەرى 2،5 ايلىق ەسەپتىك كورسەتكىشتى (اەك)، ياعني – 9 830 تەڭگە. بۇل تولەمدى شامامەن 36 مىڭ ازاماتشا الادى دەپ جوسپارلانۋدا. تولەمدەر "ازاماتتارعا ارنالعان ۇكىمەت" مەملەكەتتىك كورپوراسياسى" كوممەرسيالىق ەمەس اكسيونەرلىك قوعامىنىڭ الەۋمەتتىك تولەمدەر ورتالىعىنىڭ تىزىمدەرى نەگىزىندە جۇرگىزىلەدى. وعان استانا قالاسىندا تىركەلگەن جانە تۇراقتى تۇراتىن كوپبالالى وتباسىلار مەن انالار، سونىڭ ىشىندە از قامتىلعان انالار كىرەدى.

  ايتا كەتۋ كەرەك، بۇل كومەك استانا قالاسى ءماسليحاتىنىڭ 2023 جىلعى 3 قازانداعى № 84/10-VIII شەشىمىمەن بەكىتىلگەن "استانا قالاسىندا الەۋمەتتىك كومەك كورسەتۋدىڭ، ونىڭ مولشەرلەرىن بەلگىلەۋدىڭ جانە مۇقتاج ازاماتتاردىڭ جەكەلەگەن ساناتتارىنىڭ تىزبەسىن ايقىنداۋ قاعيداسىنا" سايكەس جۇزەگە اسىرىلۋدا.