مارافون اياسىندا الماتى وبلىسىنىڭ جاستارى 1 ناۋرىز «العىس ايتۋ» كۇنىنە وراي جىل باسىنان بەرى قايرىمدىلىق ىستە  بەلسەندىلىك تانىتىپ جۇرگەن ۆولونتەرلەردى قۇتتىقتاپ، العىس حاتتارمەن  ماراپاتتادى. سونىمەن قاتار، «Jastar club»  ۆولونتەرلىك توپتىڭ قاتارىنا جاڭادان قوسىلعان جاستاردى قابىلداۋ ءراسىمىن وتكىزدى. قازىرگى تاڭدا الماتى وبلىسى كولەمىندە 2000 نان استام ۆولونتەرلەر قوعام ومىرىنە بەلسەنە اتسالىسۋدا.

ايتا كەتەيىك، جوبا اياسىندا ارنايى قايىرىمدىلىق كۇنتىزبەسى ازىرلەنىپ، تاقىرىپتىق ءىس-شارالاردى وتكىزۋ جوسپارلانعان. بۇل الەۋمەتتىك جاۋاپكەرشىلىكتىڭ ءتۇرلى سالاسىنا قىزىعۋشىلىقتى ارتتىرا وتىرىپ، الەۋمەتتىك جاۋاپكەرشىلىكتى دامىتۋعا ىقپال ەتەدى.

وتكەن جىلدا اتالمىش جوباعا 50 مىڭعا جۋىق ادام قاتىسىپ، 7 مىڭنان استام يگى ءىس جاسالعان.

مارافونعا قاتىسۋ ءۇشىن الەۋمەتتىك جەلىلەردە جاساعان يگى ءىس جايلى اقپارات جاريالاپ، Qazvolunteer.kz ونلاين پلاتفورماسىندا تىركەۋدەن ءوتۋ قاجەت.

سونىمەن قاتار، الەۋمەتتىك جەلىلەردە اقپاراتتى #يگىىستەرمارافونى2025 #مارافوندوبرىحدەل2025 #MarathonOfGoodDeeds2025 حەشتەگتەرىمەن جاريالاۋ قاجەت.

قاتىسۋ ءۇشىن تولىق اقپارات پەن نۇسقاۋلىقتى Qazvolunteer.kz سايتىنان الۋعا بولادى جانە الەۋمەتتىك جەلىدەگى @kz_nvs جانە @qazvolunteer.kz پاراقشالارىنان تابا الاسىزدار.