بۇل يميدجدىك جوبا ەكىنشى جىل قاتارىنان ۇيىمداستىرىلىپ كەلەدى. اتالمىش ءىس-شارا شەتەلدىكتەردىڭ قازاق مادەنيەتىنە دەگەن قىزىعۋشىلىعىن دامىتۋعا ىقپال ەتۋدە. بالدىڭ ءداستۇرلى قوناقتارى – ديپلوماتيالىق كورپۋس وكىلدەرى، حالىقارالىق ۇيىمدار مەن كومپانيالاردىڭ باسشىلارى. ءىس-شارانىڭ ۇيىمداستىرۋشىسى – ق ر مادەنيەت جانە اقپارات مينيسترلىگى.
ناۋرىز – جاڭارۋ، بىرلىك پەن بەرەكەنى بىلدىرەتىن ۇلتتىق مەيرام. سوندىقتان بۇل ديپلوماتيالىق كورپۋس وكىلدەرىنە قازاقستاننىڭ باي مادەني مۇراسىن تانىستىرۋ ءۇشىن تاپتىرماس مۇمكىندىك. كەشتىڭ ءسانىن ەلورداداعى ۇزدىك شىعارماشىلىق ۇجىمدار مەن ونەرپازدار كەلتىردى. باعدارلامانىڭ باسىم بولىگى فولكلورلىق جانە ەتنيكالىق نومىرلەردەن تۇردى.
«ناۋرىز بال» جوباسى مادەني بايلانىستاردى نىعايتۋعا جانە قازاقستانداعى حالىقارالىق ىنتىماقتاستىقتى دامىتۋعا باعىتتالعان. قازىرگى الەمدە مادەني ديپلوماتيا ەلدىڭ جاعىمدى ءيميدجىن قالىپتاستىرۋدا ماڭىزدى ءرول اتقارادى، سوندىقتان مۇنداي ءىس-شارالاردى وتكىزۋ قوعامدىق جانە مەملەكەتتىك ساياساتتىڭ اجىراماس بولىگىنە اينالدى.
ℹ️ق ر مادەنيەت جانە اقپارات مينيسترلىگىنىڭ باسپا ءسوز قىزمەتى
پىكىر قالدىرۋ