بۇعان دەيىن وتاندىق كاسىپكەر قانات امىركين نۇرلان ءنىعماتۋليننىڭ ۇلكەن ۇلى نۇرجان نۇرلانوۆ وزىنەن "الاتاۋدورستروي" كومپانياسىن تارتىپ الىپ، ودان ۇلكەن سومادا اقشا تالاپ ەتكەنىن ايتقان ەدى.
ىشكى ىستەر مينيسترلىگى وسىعان قاتىستى پىكىر ءبىلدىردى.
“اتالعان فاكت بويىنشا الماتى قالالىق پوليسيا دەپارتامەنتىنىڭ تەرگەۋ باسقارماسى قىلمىستىق كودەكستىڭ 389-بابىمەن (وزبىرلىق) الدىن الا تەرگەۋ جۇرگىزىپ جاتىر. ءقازىر بولعان جاعدايدى تولىق، جان-جاقتى جانە وبەكتيۆتى زەرتتەۋ ءۇشىن تەرگەۋ ارەكەتتەرى ءجۇرىپ جاتىر”، – دەپ مالىمدەدى ىشكى ىستەر مينيسترلىگى.
الايدا كاسىپكەر قىلمىستىق ءىستىڭ “وزبىرلىق” بابى بويىنشا قارالاتىنىنا كۇمانمەن قارايدى.
“تەرگەۋ ءجۇرىپ جاتىر. كومپانيانىڭ قايتا راسىمدەلۋى بويىنشا ءىس قىلمىستىق كودەكستىڭ "وزبىرلىق بابى بويىنشا تىركەلگەن. ءبىراق مەنىڭ بولجاۋىمشا، بۇل ءىس رەيدەرلىك ارەكەتكە قايتا بىلىكتىرىلىپ، "الاتاۋدورستروي" كومپانياسى، سونداي-اق شىعىس اينالما اۆتوموبيل جولىنىڭ بويىنداعى جەر ۋچاسكەسىن زاڭسىز يەلىكتەن شىعارۋ بويىنشا “الاياقتىق” بابىمەن قارالادى”، – دەدى امىركين.
پىكىر قالدىرۋ