مەگاپوليستە ناۋقاستارعا 709،7 ملن تەڭگەگە 107 دونورلىق ورگاندار (باۋىر مەن بۇيرەك) سالىنعان

بۇل تۋرالى وڭىرلىك كوممۋنيكاسيالار قىزمەتىندەگى باسپا ءسوز كونفەرەنسياسىندا مەديسينالىق ساقتاندىرۋ قورىنىڭ الماتى قالالىق فيليالىنىڭ ديرەكتورى ءىلياس مۇحامەدجان مالىمدەدى.

2024 جىلى الماتى قالاسىندا تەك كارديوحيرۋرگيالىق وتالارعا 18،6 ملرد تەڭگە باعىتتالدى. بارلىعى 6805 وتا جاسالدى، ونىڭ ءارقايسىسىنىڭ ورتاشا قۇنى - 2،7 ملن تەڭگە. سونىمەن قاتار، قالادا 8 ملرد تەڭگەگە 4521 نەيروحيرۋرگيالىق وتا، 7 ملرد تەڭگەگە جامباس جانە تىزە بۋىندارىن اۋىستىرۋ بويىنشا 4593 وتا جۇرگىزىلگەن. سونداي-اق، نەيرو-قان تامىر جانە قان-تامىر جۇيەسىنە جاسالعان 5 045 وتاعا قور 6،7 ملرد تەڭگە تولەدى. سونىمەن قاتار، جالپى قۇنى 709،7 ملن تەڭگەگە ناۋقاستارعا 107 دونورلىق ورگاندار (باۋىر مەن بۇيرەك) سالىنعان، - دەدى ءىلياس مۇحامەدجان.

ەڭ قىمبات وتالاردىڭ قاتارىنا جۇرەككە قوسىمشا قولداۋ كورسەتەتىن قۇرىلعىنى ورناتۋ (77،5 ملن تەڭگە)، جۇرەكتىڭ ميترالدى قاقپاقشاسىن الماستىرۋ (17 ملن تەڭگە) جانە اللوگەندى گەموپوەتيكالىق ءدىڭ جاسۋشالارىن الماستىرۋ (16،9 ملن تەڭگە) كىرەدى. بۇل وتا تۇرلەرىنىڭ بارلىعى ءمامس جۇيەسى ارقىلى قارجىلاندىرىلدى.