بۇگىن قاسىم-جومارت توقايەۆتىڭ توراعالىعىمەن قازاقستان حالقى اسسامبلەياسىنىڭ XXXIV سەسسياسىنىڭ پلەنارلىق وتىرىسى وتەدى.
كۇن تارتىبىندەگى تاقىرىپ: "بىرلىك پەن كەلىسىم جولىنداعى 30 جىل"
الداعى سەسسيا جۇمىسىنا 1600-دەن استام قاتىسۋشىنىڭ كەلۋى كۇتىلۋدە. ولاردىڭ قاتارىندا قازاقستان رەسپۋبليكاسى پارلامەنتىنىڭ دەپۋتاتتارى، وڭىرلەردەن كەلگەن قازاقستان حالقى اسسامبلەياسىنىڭ مۇشەلەرى، رەسپۋبليكالىق جانە وڭىرلىك ەتنومادەني بىرلەستىكتەردىڭ ءتوراعالارى، ورتالىق جانە جەرگىلىكتى اتقارۋشى ورگانداردىڭ، ءدىني بىرلەستىكتەردىڭ باسشىلارى، ساياسي پارتيالار مەن ۇكىمەتتىك ەمەس ۇيىمداردىڭ وكىلدەرى، ديپلوماتيالىق كورپۋس مۇشەلەرى، عىلىمي جانە شىعارماشىلىق زيالى قاۋىم وكىلدەرى، سونداي-اق قازاقستاندىق جانە شەتەلدىك بۇقارالىق اقپارات قۇرالدارىنىڭ جۋرناليستەرى بار.
