بيىل 3 ايدا قىزىلوردا وبلىسىندا 1493،7 توننا بالىق اۋلانسا، سونىڭ 93%-ى كىشى ارال تەڭىزىنە تيەسىلى. 

وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ مالىمەتىنشە، وسى ۋاقىت ارالىعىندا 8 مەملەكەتكە 1 193،4 توننا بالىق ءونىمى جونەلتىلگەن. وڭىردە 11 بالىق وڭدەۋ زاۋىتى بولسا، سونىڭ 4ء-ى ەۋروپالىق وداق ەلدەرىنە ءوز ونىمدەرىن ەكسپورتتاي الادى. ەكسپورتتالاتىن سۋ مارجاندارىنىڭ قاتارىندا تىران، تورتا، الابۇعا، شورتان مەن كوكسەركە بار.

– وبلىس اۋماعىندا كىشى ارال تەڭىزى، سىرداريا وزەنى جانە بالىق شارۋاشىلىعى ءۇشىن ماڭىزدى 201 كول بار. ونىڭ ىشىندە كىشى ارال تەڭىزى تولىقتاي جانە 164 كول تابيعات پايدالانۋشىلارعا كونكۋرستىق نەگىزدە جالعا بەرىلگەن. ال 37ء-سى رەزەرۆتىك قوردا، - دەلىنگەن باسقارمانىڭ حابارلاماسىندا. 

كول-تاۋارلى بالىق شارۋاشىلىعىنىڭ سانى بۇگىندە 80-گە جۋىقتادى. بيىل بالىق وسىرۋشىلەرگە بالىق جەمىن ساتىپ الۋ ءۇشىن وبلىستىق بيۋدجەتتەن جالپى شىعىننىڭ 30%-ىن سۋبسيديالاۋعا 10،1 ملن تەڭگە ءبولىندى.