"قازاۆتوجول" ۇلتتىق كومپانياسى ق ر كولىك ءمينيسترىنىڭ م.ا. 2025 جىلعى 22 ساۋىردەگى № 133 بۇيرىعىنا سايكەس 2025 جىلعى 13 مامىردان باستاپ رەسپۋبليكالىق ماڭىزى بار "شۋ-بۋرىلبايتال" اۆتوموبيل جولىنىڭ 92،2-268 شاقىرىم ارالىعىنداعى ۋچاسكەسى اقىلى بولاتىنىن مالىمدەدى.

اقىلى جول ۋچاسكەسىنىڭ جالپى ۇزىندىعى 175،8 شاقىرىم، ءىى-سانات، ءوتۋ جولاعىنىڭ ەنى كەمىندە 3،75 مەتر، ەكى باعىتتا ءبىر جولاق.

بالاما تەگىن جول "شۋ – قاينار – كەنەن – قاراباستاۋ – قانشەڭگەل – اقسۇيەك – بۋرىلبايتال" اۆتوموبيل جولى ارقىلى ۇسىنىلادى.

بۇل ۋچاسكەدە جەڭىل كولىكتەر ءۇشىن تولەم الىنبايدى. ال اۆتوبۋستار مەن جۇك كولىكتەرى ءۇشىن ايلىق جانە جىلدىق ابونەمەنت ۇسىنىلادى. ول ءۇشىن 1403 بايلانىس ورتالىعىنا حابارلاسۋ قاجەت.

سونداي-اق تولەمدى كەيىنگى نەمەسە الدىن الا تولەۋگە بولادى. جۇرگىزۋشىلەرگە ىڭعايلى بولۋ ءۇشىن ەكىنشى دەڭگەيلى بانكتەر ارقىلى ونلاين تولەم قاراستىرىلعان.